Lionel Messi “İnter Mayami”də ilk məşqinə çıxıb. Onun yeni komandasında nə vaxt debüt edəcəyi hələ ki məlum deyil.


"Football-plus.az" xəbər verir ki, ESPN-in yaydığı məlumata görə, ABŞ klubunun yeni oyunçusu çərşənbə günü tibbi müayinədən keçib, cümə axşamı isə məşqdə iştirak edib. Argentinalı hücumçu yeni komanda yoldaşları ilə görüşüb. Yayılan məlumata görə, transfer rəsmiləşənə qədər Messinin “İnter Mayami”də heç bir fotosu yayılmayacaq.

Xatırladaq ki, dünya çempionu iyunun 7-də bu kluba keçdiyini açıqlayıb. 36 yaşlı Lionel yeni komandasında “Krus Asul”a (Meksika) qarşı iyulun 21-də keçiriləcək matçda debüt edə bilər.

Yeri gəlmişkən, Messi ABŞ-da alış-veriş edən zaman diqqəti cəlb edib. O, Mayamidəki adi supermarketlərdən birinə getməklə ətrafdakıları təəccübləndirib. Bazarda bir neçə müştəri ulduz futbolçu ilə şəkil çəkdirib.