“Neftçi” Azarkeş Dərnəyi kimi ictimaiyyətə təqdim olunandan sonra fəaliyyətimiz klub daxilində baş verən sürətli hadisələrlə "ayaqlaşa" bilməsə də, plan üzrə işlər davam edir. Hazırda quruma üzv olmaq istəyən rəngdaşlarımızın sorğularının qəbulu prosesi gedir. Bundan başqa, gələcək fəaliyyət planımıza əsasən kontentə uyğun tədbirlərin, işlərin müvafiq təqvim üzrə icraatı, həmçinin layihələrimizlə bağlı donorlarla görüşlər həyata keçirilir. “Neftçi”ni ev və səfər oyunlarında tək qoymuruq. İdarə heyətində yer alanlar və başqa üzvlər tribunada olur. Aktiv fəaliyyətimiz və yeniliklər barədə dərnəyin sosial hesablarında rəngdaşlarımızı məlumatlandıracağıq”.

“Əlbəttə, azarkeş olaraq, hazırkı durumdan narazıyıq. Nəticələr ürəkaçan və sevindirici deyil. Bu barədə iradlarımı müəyyən oyunlarda bildirmişəm. Neftçi Azarkeş Dərnəyi olaraq, komandanın nəticələri və klubda baş verən dəyişikliklər bizi narahat etsə də, prosesləri müşahidə edirik. Vəziyyətin yaxşılaşacağına və sabitləşəcəyinə ümid edirik. Amma dərnək yeni rəhbərliyin fəaliyyətini və məşqçi heyətinin işini 9 tur arxada qalandan sonra dəyərləndirəcək. Bundan sonra başverənlərə öz münasibətimizi bildirəcəyik. Düşünürəm ki, klubun və komandanın formalaşması üçün bu müddət yetərlidi. Həmçinin “Neftçi”nin baş icraçı direktoru Fərrux bəylə də görüşümüz nəzərdə tutulub. Komandanın mövcud durumu və gələcəkdə müsbət fəaliyyəti barəsində suallarımız və təkliflərimiz olacaq. “Ağ-qaralar”ın qarşıda iki vacib görüşü var. Bu matçlarda Adrian Mutu bacarıqlarını nümayiş etdirə bilər. Bunun üçün onun hər cür şəraiti var. Bu qarşılaşmalar “Neftçi”nin inkişaf yolunu göstərəcək. 9-cu turdan sonra rumıniyalı məşqçi ümumilikdə 13 oyunun hesabatını verməli olacaq. Hazırda bütün prosesləri diqqətlə müşahidə edirik. Baş verən hadisələrə rasional münasibət göstərmək istəyirik. Çünki istəmirik ki, “Neftçi”mizin ziyanına hansısa mövqedə olaq. Həm də klubumuzun uğursuzluğunu izləmək arzusunda deyilik”.