Türkiyə Futbol Federasiyası ''Atatürk Olimpiya'' stadionunun baxımına görə cavabdehlik daşıyan şirkət ilə müqaviləni ləğv etmək qərarına gəlib.

“Football-plus.az” xəbər verir ki, bu sürpriz olay ''İstanbulspor'' - ''Qalatasaray'' oyununda yaşananlar üzündən baş verib. Məlum olduğu kimi çərşənbə axşamı məhz ''Atatürk Olimpiya''da 3-cü turdan təxirə salınan oyunda ''İstanbulspor'' ilə ''Qalatasaray'' qarşılaşdı. Həmin oyunun gedişində ot örtüyündə yaranan problemlər sosial şəbəkələrdə böyük müzakirələrə səbəb olmuşdu. Məsələ burasındadı ki, ot örtüyünün üzərindəki xətlərin qidaların hazırlanmasında istifadə olunan boya ilə çəkildiyi məlum olmuşdu. Bu üzdən bəzi futbolçuların, xüsusilə də Lukas Torreyra ilə Mauro İkardinin əlləri və saçları yaşıl rəngə boyanmışdı. Torreyra hətta məsələyə yumor hissi ilə yanaşaraq sosial şəbəkədə öz yaşıla boyanmış şəklini paylaşmış və özünü məhşur film qəhrəmanı Halka bənzətmişdi. Amma TFF rəsmiləri olaya çox ciddi yanaşdılar.

Qurumun rəsmi saytında qeyd olundu ki, bu qalmaqal üzündən stadionun baxımına nəzarət edən şirkət ilə müqavilə ləğv olundu. Xatırladaq ki, bir neçə ay öncə bu arena Çempionlar Liqasının finalına ev sahibliyi etmişdi.

ƏLİ