“Matça çox ciddi hazırlaşmışdıq. Buna heç kimin şübhəsi olmasın. Məğlubiyyət bizim üçün gözlənilməz oldu. Halbuki meydana 3 xalı qazanmağın vacibliyini dərk edərək çıxmışdıq. Təəssüf ki, erkən qol komandanı ruhdan saldı. Toparlanmağa çalışırdıq ki, ikinci qolla yenidən sarsıldıq. Buna baxmayaraq, ilk hissədə yaxşı hücumlar təşkil etməklə yanaşı, müdafiə olunmağa çalışırdıq. Çünki daha bir qolun matçın taleyini həll edəcəyi bəlli idi. Birinci hissədə bunu bacarsaq da, ikinci yarı da üçüncü qolun buraxılması bütün planlarımızı alt-üst etdi. Bundan sonra özümüzə gəlmək qətiyyən mümkün olmadı. Məğlub olmaq istəmirdik. “Doğma divarlar” arasında növbəti xal itkisinin bizə necə təsir edəcəyinin fərqindəydik. İnanıram ki, komanda yoldaşlarımın hər biri bundan qaçmaq üçün əlindən gələni etdi. Amma olmayanda olmur”.

“Əslində səbəb çoxdu. Bəhanə gətirmək də düzgün deyil. Ən azı qazonun vəziyyəti heç kimə sirr deyil. Ot örtüyü ideal vəziyyətdə olmayanda topu “ayağa oturtmaq” da çətin olur. Üstəlik rəqibin təzyiqi, ev oyunu olmasının yüklədiyi məsuliyyət və sair hallar belə epizodlarda çaşqınlıq yarada bilir. Dərinə getsək, bunları sadalamağın mənası yoxdu. Çünki nəticə dəyişmir. Yekun olaraq, bütün günah mənimdi”.

“Birincisi, haqlıdılar. Yüzlərlə adam işini-gücünü atıb “Kəpəz”ə dəstək olmağa gəlir. Bizim işimiz onlara qələbələrlə təşəkkür etmək, ən azı yaxşı oyun göstərməkdi. Təəssüf ki, son vaxtlar bunu edə bilmirik. Onları başa düşürəm. Çünki Gəncəni təmsil edirsənsə, səndən tələb olunanı verməlisən. Azarkeşlər, sadəcə, layiq olduqlarını istəyirlər. İkincisi, “istefa” demək əvəzinə fərqli şüarlarla son ana qədər bizə dəstək olsaydılar, həvəsləndirici şüarlarla çıxış etsəydilər, bəlkə də nəticə fərqli olardı. Onların belə etməsi üzərimizdə daha ciddi təzyiqin yaranmasına səbəb oldu. Həmin durumda yaxşı oyun göstərmək elə də asan iş deyil. Sonda bunu da deyim ki, “Kəpəz” rəhbərliyi başda olmaqla bütün üzvləri “istefa” şüarına layiq deyil. Şəxsən mən hər şeyi yaxından müşahidə edirəm. Hər kəs klubun inkişafı üçün çalışır. Qələbə qazananda hamı sevinir, uduzanda hər kəs üzülür. Biz sıx birləşməli, gücümüzü toparlamalı və bu vəziyyətdən çıxış yolunu birlikdə axtarmalıyıq”.

“Heç bir komandanı gözümüzdə böyütmürük və ya kiçiltmirik. Hər rəqibə hörmət edir, ciddi yanaşırıq. Düzdü, məhz “Neftçi” və “Qarabağ” sınaqlarında daha yaxşı oynadığımı deyənlər çoxdu. Amma bu, sadəcə, qıraqdan belə görünür. Yəni hər oyunda bütün gücümüzdən istifadə edirik ki, qələbə qazanaq. “Sabah”la oyunda da meydana bunun üçün çıxacağıq. Bizi çətin matç gözləyir. Çünki rəqib bir-birinin ardınca “Zirə”, “Turan Tovuz” və “Qarabağ”a uduzub. Hər iki tərəf “qara zolaqdan çıxmağa” çalışacaq. İnşallah, 3 xal bizim olacaq”.