"Əvvəla onu vurğulayım ki, əsl "Kəpəz" azarkeşi heç vaxt komandanı pis gündə qoymur. “İstefa” şüarını səsləndirən barmaqla sayılacaq qədər təxribatçılar idi. Mən də onlara yaxınlaşıb xəbərdarlıq etdim ki, 5-6 tura görə baş məşqçi istefaya göndərilmir. Ardınca onlara dedim ki, burda gedən oyunu futbolçuların ailə üzvləri, yaxınlarımız və "Kəpəz"sevərlər televizordan izləyir, odu ki, mədəniyyətli, təmkinli olun. Bizlər gerçək "Kəpəz" fanatları ilə təxribatçıları yaxşı tanıyırıq. Qarşıdakı oyunlarda da fədakar, daim yanımızda olan fanatlardan, fanklublarımızdan dəstək gözləyirik. Həmçinin onları təxribatçılara qoşulmamağa, tribunalarda əxlaqsız söyüşlər səsləndirməkdən uzaq olmağa çağırıram".