"İlk oyunumuz idi deyə gərginlik var idi. Havanın yağışlı, heyətimizdə də zədəli, xəstə oyunçuların olması işimizi çətiən salmışdı. Buna rəğmən, yetirmələrim meydanda yaxşı mübarizə apararaq layiqli qələbə qazandılar. İnsidentə gəlincə, "Mingəçevir"lə oyunlarımız həmişə gərgin keçib. "Aran derbisi”ndə belə halların olması təbiidi. Həmçinin baş verən xoşagəlməz hadisəni daha da böyüməyə qoymadıq. Əsas olan da budu. Matç bitəndən sonra rəqib oyunçularla qarşıdurma yaşayan futbolçumuzu "işıqçılar"ın paltardəyişmə otağına apararaq barışdırdım və məsələ bitdi. İşimiz adımıza layiq futbol oynamaqdı, dava-dalaş salmaq yox. Bacardıqca da sərgilədiyimiz oyunla gündəmə gəlmək istəyirik".