"Təxirə salınmış oyunumuz olduğuna görə bayramlarda da komandamızı istirahətə buraxmadan hazırlığımızı davam etdirdik. "Mingəçevir" təhlükəli və sürpriz etməyi sevən komandadı. Ona görə də "işıqçılar"la matça son dərəcə ciddi hazırlaşmışdıq. Qələbə qazansaq da, oyundan razı qalmadım. İlk hissədə nə qədər çalışsaq da, hesab açılmadı. Çoxlu qol epizodlarını sağa-sola xərclədik. Həmçinin səhvlərə də yol verdik. Bu cür davamiyyət fasilədən sonra da davam etdi. Bunun nəticəsiydi ki, rəqib hesabı bərabərləşdirdi. Yalnız bundan sonra ayıldıq. İrəli atıldıq və daha 2 qol vurub qələbə qazandıq. Futbolçularımı təbirk edirəm, amma bu günkü səhvlərimizdən narazıyam. Çatışmazlıqları aradan qaldırıb daha yaxşı çıxış etməliyik. Bu gün heyətimizdə əsas komandadan 4 oyunçu da cəlb olunmuşdu. Onlar daha yaxşı formaya düşmək üçün bu oyunda şans qazandılar. Sağolsunlar özlərini yaxşı tərəfdən göstərdilər və qollar da vurdular".