"Qarşıdakı seçmə oyunlar ərəfəsində sonuncu toplanışımız idi. Ötən toplanışda da türkiyəli həmyaşıdlarımızla oyunlar keçirmişdik. Odu ki, rəqibi artıq tanıyırdıq. Buna rəğmən, qardaş ölkənin U-17 yığması bu dəfə heyətinə daha çox Avropada çıxış edən oyunçular dəvət etmişdi. Türkiyə U-17-si ilə iki oyun keçirdik. İlk matçda hesabda geri düşsək də, xarakter göstərərək qalib gəldik. 2-ci qarşılaşmada isə nə qədər qol axtarışında olsaq da, fərqlənə bilmədik. Əvəzində rəqib 2 qol vurub qələbə qazandı. Ümumi götürəndə futbolçuların oyuna yanaşması, meydanda döyüşməsi, qarşılıqlı əlaqələr, rəqibdən qorxmaması kimi hallardan razı qaldım. Amma hələ çatışmazlıqlar var, onları aradan qaldırmalı, yaxşı keyfiyyətlərini bir qədər də artırmalıyıq ki, seçmə mərhələyə tam hazır olaq. Bütün kollektivimizə çəkdiyi əziyyətə görə təşəkkür edirəm".