“Seçmə mərhələ üçün növbəti hazırlıq xarakterli toplanışı başa vurduq. Antalyada 20 futbolçunu sınaqdan keçirdik. Sərəncamımızda olanların potensialını üzə çıxarmaq istədik. Uşaqların funksional hazırlığından narazıyam. Bunun da əsas səbəbi futbolçuların klublarında yetərincə şans qazanmamasıdı. Premyer-liqa təmsilçilərində gənc oyunçular daha çox ehtiyatda qalırsa, 1-ci divizionda çıxış edənlər əsasən sintetik meydanlarda oynayır ki, bu üzdən fiziki hazırlıqlarında problemlər var. Buna rəğmən, əzm, xarakter göstərərək döyüşürlər. Hətta komanda qol buraxandan sonra da futbolçularım özünəinamı itirmir. Az da olsa, inkişaf hiss olunur.

Qarşılaşdığımız rəqiblər də yetərincə güclü idi. Həm Albaniya, həm də Sloveniya yığmalarının heyətində yüksək səviyyəli oyunçular var. İtaliya A seriyası, Rusiya premyer-liqası və başqa səviyyəcə üstün ölkələrin çempionatlarında çıxış edirlər.

Bu toplanış da bizə müəyyən təcrübə qazandırdı. Daim yeni futbolçu axtarışındayıq. U-21-ə yeni oyunçular qazandırmağa çalışacağıq".