İtaliya KİV-ində “Yuventus”un satışa çıxarılacağı haqda xəbərlər yayılıb.

"Football-plus.az" xəbər verir ki, klubun sahibi olan Anyellilər ailəsinin satış prosesinə hazırlaşdığı iddia edilir.

Məlumatda Turin klubunun 800 milyon avro ilə 1,5 milyard avro arası məbləğdə satıla biləcəyi də iddia olunub. “Yuventus”a nəzarət edən “Exor” şirkətinin adı açıqlanmayan bir nümayəndəsi isə bu məlumatlara münasibət bildirib. O, “Tuttosport”a açıqlamasında həmin xəbərləri təkzib edib. Nümayəndə bu məlumatları fərziyyə adlandırıb.

Qeyd edək ki, “Yuventus” bu mövsüm avrokuboklarda çıxış etmir. Bu, UEFA-nın cəzasına görədi. Klubun sabiq rəhbərliyinin maliyyə pozuntularına yol verməsinə görə komanda mayda A seriyasında 10 xalından məhrum edilmiş və 2022/23 mövsümünü 7-ci yerdə başa vurmuşdu. Bu yer “ağ-qaralar”a Konfrans Liqasında iştirak hüququ verirdi. Lakin UEFA məlum səbəbə görə komandanın qitə kuboklarında çıxışına birillik qadağa qoyub.