Bir müddət əvvəl yayılan məlumat tam doğrulub. “Yuventus”dan alınan vəsiqə “Fiorentina”ya verilib.

Xəbər verdiyimiz kimi, UEFA maliyyə qaydalarının pozulmasına görə “Yuventus”u 2023/24 mövsümündə Konfrans Liqasında (KL) iştirak hüququndan məhrum edib.

Xatırladaq ki, “Yuventus” daha əvvəl bu səbəbdən A seriyasında 10 xaldan məhrum edilmiş və yekun turnir cədvəlində 7-ci yeri tutmuşdu. UEFA bu cəzanı nəzərə alaraq Turin klubunun 2023/24 mövsümündə avrokuboklardan kənarlaşdırılmasına qərar vermişdi. İtaliya nəhəngindən alınan vəsiqə “Fiorentina”ya verilib.

Bu komanda ötən mövsümü A seriyasını 8-ci yerdə başa vurmuş və avrokuboklarda iştirak hüququ qazana bilməmişdi. Yeri gəlmişkən, “Fiorentina” 2022/23 mövsümündə də KL-də çıxış edib. Vinçentso İtalyanonun çalışdırdığı komanda finalda “Vest Hem”ə uduzub (1:2).