"Fikirimcə, son vaxtlardakı uğursuzluqlar Şahruddinin atmosferi dəyişməklə bağlı qərar verməsinə gətirib çıxardı. Hazırda Adana təmsilçisində üç qapıçı - Ərtac Özbir, Goran Karaçiç və Vədat Karakus yer alır. Onların heç biri sabit çıxış etmir. Ən təcrübəlisi 33 yaşlı Ərtac Özbir olsa da, son vaxtlar Vədat şans qazanır. Türkiyə superliqası çox rəqabətli, güclü, gərgin çempionatdı. Şahruddinin əsas üstünlükləri avrokubok və millimizin heyətində qitəmiqyaslı yarışlarda təcrübəsi, inadkarlığı, döyüşkənliyidi. İstənilən halda, indidən Şahruddinin rahat qapıda duracağını demək olmaz. Çünki Türkiyə superliqasında hər tur, hər oyun çox gərgin keçir. Zaman göstərəcək Şahruddinin qonşu ölkənin çempionatına necə uyğunlaşacağını. Qapıçımıza uğurlar arzulayıram".