Ölkəmizin futbol yığması bu gün AÇ-2024-ün seçmə mərhələsində Belçika ilə üz-üzə gələcək.

6500 yerlik "Dalğa Arena"da keçiriləcək oyun üçün ayrılan biletlərin hamısı satılıb. Bu haqda "Football-plus.az"a AFFA-nın mətbuat katibi Elnur Məmmədli məlumat verdi.

Bəs, bu say nə qədərdi? Bu önəmli oyunda yığmamızı neçə azərbaycanlı azarkeş dəstəkləyəcək? Elnur bəyin verdiyi məlumata görə, satışda ümumilikdə 4900 bilet olub. Qalan 1600 yer isə təhlükəsizlik tədbirləri və Belçikadan gələn qonaqlar üçün ayrılıb.

Xatırladaq ki, oyun Bakı vaxtı ilə 17.00-da start götürəcək. Rəqibi də 180-ə yaxın azarkeş dəstəkləyəcək.

KƏNAN BAHADIR