Vaqif Cavadov oynayacaq, İlqar Qurbanovun beli ağrıyır
Yığmamızın sabiq üzvü, hazırda "Araz-Naxçıvan"da köməkçi məşqçi kimi çalışan Əfran İsmayılov minifutbolda yeni komanda yaratmaq niyyətinə düşüb.
Özü də həmin komandaya məhz sabiq yığma üzvlərini cəlb etməyi düşünür. Əfranın təklif göndərdiyi Vaqif Cavadovla İlqar Qurbanov “Football-plus.az”la danışdı.
Vaqif Cavadov:
"Əfrandan gələn təklifə müsbət cavab verdim. Çünki yığmamızın sabiq futbolçuları bir araya gələcək. Bu həm sevincli, həm də maraqlıdı. Düşünürəm ki, yeni komandada yığışmağımızı xeyrimizə olacaq".
İlqar Qurbanov:
"Əfrandan təklif gəlib. Amma ondan əvvəl də minifutbol oynamaq dəvəti almışdım. Əslində pis fikir deyil, formamızı və sağlamlığımızı qorumaq üçün yaxşı haldı. Amma hələ bilinmir ki, komanda tam nə vaxt yaranacaq, məşqlər necə keçəcək? Açığı, bir qədər belimdə də ağrılar var. Ona görə də hələ qərar verməyə tələsmirm".
ABDULLA İSMAYILOĞLU
Digər xəbərlər
