"Sərkan Kılıcla azərbaycanlı futbolçuların “Trabzonspor"da çıxış etməsiylə bağlı söhbətimiz baş tutdu. Biz daha çox gənclərin bu kluba üz tutmasında maraqlıyıq. Bu yöndə əsas maneə “oturum izni”di. 18 yaşına çatmayanların başqa ölkədə, o cümlədən Türkiyədə yaşayış icazəsi alması bir qədər çətindi. "Trabzonspor" rəsmisi yaxın gələcəkdə ölkəmizə skautlarını göndərəcəyini vurğuladı. Əsas komandaya da bir neçə futbolçumuzu cəlb etməyi düşünürlər. Gənclərimizin Trabzon təmsilçisində rahat çıxış etməsi üçün hansısa klubumuzla əməkdaşlıq etmələri də gözlənilir".

"Hazırda əsas diqqəti Ukraynada çıxış edən Emil Mustafayevə yönəltmişik. Hələ ki sabit çıxış edir, nəzarətimizdədi. Bundan başqa, "Ankaragücü"də oynayan 2007 təvəllüdlü Həsən Nəzərli və Almaniya "Paderborn"unda bir müddət çıxış edən, hazırda isə başqa kluba keçən Ceyhun Hacıyev var. Onları da diqqətlə saxlayırıq".