Millətlər Liqasının 1-ci turunda yığmamız səfərdə Qazaxıstana uduzdu.

Səbəblər haqda Vaqif Cavadovla danışdıq. Yığmanın sabiq üzvü "Football-plus.az" saytına bunları söylədi:

“De Byazinin nə işlə məşğul olduğunu anlaya bilmirəm. Bədavi Hüseynov yaxşı oyunçudu, amma bir ildi əsas heyətdə oynamır. Belə vacib matçda onu əsas heyətdə meydana buraxıb. Maksim Medvedev “Qarabağ”da müdafiəçidi, millidə isə yarımmüdafiədə oynadı. Ona görə də çatdıra bilmirdi. Baş məşqçinin qərarları ilə bağlı çox nüanslar var. Hətta rəqibin baş məşqçisi də dedi ki, De Byazi çox danışır, amma bir şey edə bilmir. Bunu mən çoxdan deyirəm. Mən deyəndə bəziləri qərəzli münasibət bəslədiyimi düşünürdü. İndi isə Qazaxıstanın baş məşqçisi də dedi. Rəqibin 10 əsas oyunçusu yox idi, yenə də bacara bilmədilər. Adamlar ötürmə verə bilmir, amma sən onlara qalib gəlmirsən. Böyük ölçüdə nöqsanın baş məşqçidə olduğunu düşünürəm. Futbolçuların düzülüşü düzgün deyildi. Kiminsə oyunu alınmaya bilər, bu başqa məsələ. Amma hər bir futbolçunu öz mövqeyində oynatmaq lazımdı. Bədavi hazır olsaydı, Qurban Qurbanov onu əsas heyətdə oynadardı. Harda görünüb ki, oyunçu komandasında başqa, millidə başqa mövqedə oynasın? Bu mənim üçün çox maraqlıdı.”

ŞAİR ABDULLA