Rauf Əfranın təklifini ikiəlli dəstəkləyir
Yığmamızın sabiq üzvü, hazırda "Araz-Naxçıvan"da köməkçi məşqçi kimi çalışan Əfran İsmayılov minifutbolda yeni komanda yaratmaq niyyətinə düşüb. Özü də həmin komandaya məhz sabiq yığma üzvlərini cəlb etməyi düşünür. Əfranın siyahısında Rauf Əliyev də var.
Rauf Əfranın təklifi ilə bağlı "Football-plus.az" saytına bunları dedi:
"Əfranın istəyindən xəbərdaram. O, minifutbolumuza çox bağlı biridi. Sabiq komanda yoldaşımın veteran futbolçuları bir araya gətirən klub yaratmaq istəyini xoş qarşılayır, dəstəkləyirəm. Bizim üçün də maraqlı olacaq. Onun təklifinə də müsbət qiymətləndirmişəm".
Mahir Şükürov:
"Əfranın minifutbolda yeni komanda yaratmaq söhbəti çoxdan var. Mənə də təklif edib ki, gəl oyna, birlikdə olaq. Amma hələ qərar verməmişəm. Gözləyirəm ki, bir çox veteran, o cümlədən Ruslan Abışov da gəlsin. Onlar gələndən sonra qərar verəcəm".
ABDULLA İSMAYILOĞLU
Digər xəbərlər
