Tur “Ximki” və “Torpedo”nun növbəti məğlubiyyəti ilə start götürdü.

"Football-plus.az" xəbər verir ki, artıq elitanı məhz bu iki komandanın tərk edəcəyinə heç kim şübhə etmir. Şənbə günü “Rostov” – “Fakel” oyununa maraq böyük idi. Çünki meydan sahiblərinin məğlubiyyəti “Zenit”in çempionluq yolunu hamarlaşdıracaqdı. Belə də oldu. Ötən tur Moskvada “Dinamo”nu 2 cavabsız qolla yenməklə elitada səfərdəki 25 oyunluq qələbəsiz seriyaya son qoyan “Fakel” bu dəfə eyni hesabla Rostovda qalib gəldi. Valeri Karpinin komandasının 7 oyunluq məğlubiyyətsiz seriyası qırıldı. Maraqlıdı ki, “Rostov” bu mövsüm 4 məğlubiyyətdən üçünü evdə yaşayıb.

Beyin silkələnməsi üzündən Kadini mövsümün sonunə qədər itirən “Krasnodar”, eləcə də ÇSKA bazar günü evdə 2:1 hesablı qələbəyə sevindi. Son 8 turda 24 mümkün xaldan 22-ni qazanan “hərbçilər” 11-ci turdan bəri ilk dəfə 2-ci pilləyə yüksəldilər. Bazar günü bütün diqqətlər Sankt-Peterburqa yönəlmişdi. “Zenit” – “Spartak” zatən Rusiya futbolunun şah oyunu sayılır. Budəfəki duelə isə çempionluq intriqası da əlavə olunmuşdu. “Zenit” qalib gələcəyi təqdirdə sona 4 tur qalmış çempionluğu rəsmiləşdirəcəkdi. Oyun ümidləri artıqlamasıyla doğrultdu. Piterlilər iki dəfə hesabda önə keçsələr də, hər iki halda Moskva nəhəngi hesabı bərabərləşdirə bildi. Özü də komanda 2-ci qolu vurarkən azlıqda idi. Amma çempionluğu təxirə salmaq istəməyən və məhz bu prisnipial oyunda hər şeyi bitirmək arzusunda olan Sergey Semakın kollektivi əsas vaxta əlavə olunan 1-ci dəqiqədə Sergeyevin qolu ilə qələbə qazandı. Uğur çubuğuna çevrilən bu futbolçu bu mövsüm artıq 6-cı dəfə sonradan meydana çıxdığı oyunda qol vurdu. Beləliklə, “Zenit” ardıcıl 5-ci, müstəqillik dönəmində 9-cu, tarixində isə 10-cu çempionluğu qazandı. “Spartak”ın müstəqillik dönəmində 10 çempionluğu var. “Zenit”in bu 5 çempionluğunun baş memarı olan Semak bu baxımdan Valeri Qazzayevi (4) geridə qoydu. O, çempionluq sayına görə yalnız Oleq Romantsevdən (8) geri qalır. SSRİ dönəmi də nəzərə alınmaqla Rusiya futbolunda yalnız bir dəfə bir klubun bundan da böyük hegemonluğuna rast gəlinib. “Spartak” 1996-2001-ci illərdə ardıcıl 6 dəfə çempion olub. Yəni “Zenit”in həm bu göstəricidə, həm də müstəqillik dönəmindəki çempionluq sayında “Spartak”ı yaxalamaq baxımından gələn mövsüm üçün əla motivasiyası olacaq.

26-cı tur
Zenit – Spartak 3:2
Klaudinyo, 13. Mostovoy, 39. Sergeyev, 90+1 – Balde, 33. Promes, 85-p.
Zenit: Kerjakov, Karavayev (Çistyakov, 46), Rodriqao, Renan (Mantuan, 87), Santos, Barrios, Kuzyaev, Klaudinyo (Bakayev, 90), Malkom, Mostovoy (Vendel, 62), Kassyerra (Sergeyev, 87).
Spartak: Selixov, Denisov, Duarte, Çernov (Maslov, 64), Tavareş, Martins, Zobnin, Zinkovski (Xluseviç, 77), Balde (Mozes, 64), Promes, Sobolev (Nikolson, 77).

ÇSKA – Orenburq 2:1
Diveyev, 8. Çalov, 87 – Oqanesyan, 90+4.
ÇSKA: Akinfeyev, Qlebov (Nababkin, 46), Roşa, Diveyev, Moyzes, Medina, Zdelar, Mendes (Kuçayev, 79), Oblyakov (Muxin, 42), Çalov, Zabolotnı (Karraskal, 89).

Lokomotiv – Soçi ???
????
Lokomotiv: ????

Rostov – Fakel 0:2
Akbaşev, 46. Appayev, 74.

Ximki – Dinamo 0:1
Smolov, 90+6-p.

Krasnodar – Krılya Sovetov 2:1
Volkov, 35. Kordoba, 89 – Qarre, 16.

Torpedo – Axmat 1:5
Stefanoviç, 74 – Todoroviç, 12; 19. Kamilov, 38. Konate, 77. Ağalarov, 90.

Nijni Novqorod – Ural 0:0

1. Zenit 26 20 4 2 68-15 64
2. ÇSKA 26 15 6 5 48-24 51
3. Rostov 26 14 8 4 44-34 50
4. Spartak 26 14 7 5 57-35 49
5. Axmat 26 13 4 9 41-34 43
6. Krasnodar 26 12 6 8 55-42 42
7. Dinamo 26 12 6 8 44-35 42
8. Orenburq 26 12 3 11 49-50 39
9. Soçi 25 10 4 11 35-45 34
10. Lokomotiv 25 9 5 11 42-42 32
11. Ural 26 7 6 13 27-41 27
12. Krılya Sovetov 26 6 7 13 26-42 25
13. Fakel 26 4 12 10 33-45 24
14. Nijni Novqorod 26 6 5 15 27-49 23
15. Ximki 26 4 5 17 24-58 17
16. Torpedo 26 3 4 19 20-49 13
Bombardirlər: Malkom (Zenit) – 22, Promes (Spartak) – 18, Çalov (ÇSKA) – 15.

Növbəti turun oyunları mayın 13-14-də keçiriləcək: Ural – Orenburq, Ximki – Spartak, Zenit – Krasnodar, ÇSKA – Torpedo, Krılya Sovetov – Lokomotiv, Dinamo – Axmat, Soçi – Rostov, Fakel – Nijni Novqorod.