Tur cümə günü mövsümün ən böyük sürprizlərindən biri ilə start götürdü.

“Football-plus.az” xəbər verir ki, Dortmund “Borussiya”sı hələ ki xalları lazımsız əşya kimi sağa-sola “tullayır”. Komanda tarixində ilk dəfə elitada oynayan və ilk 2 turda xala həsrət qalan “Haydenhaym”la ev oyununda 2:0-lıq üstünlüyü əldən verməyi “bacardı”. Həqiqətən də 83 mindən artıq azarkeşin önündə 60-cı dəqiqəyə qədər 2:0 öndə ola-ola, belə rəqiblə matçda qələbəni əldən verməyi də bacarmaq lazımdı! “Arılar”ın bundesliqada evdəki məğlubiyyətsiz seriyası 16 oyuna çatsaə (14 qələbə, 2 heç-heçə) da, bu fakt çətin ki, fanatları sevindirə. Beləliklə, “Haydenhaym” elitada ilk xalını “Borussiya” ilə oyunda qazandı. Maraqlıdı ki, turnirin bundan əvvəlki iki debütantı – 2016-da “Leyptsiq” və 2019-da “Union” ilk qələbələrini məhz “Borussiya”ya qarşı əldə etmişdilər.

“Bayer-04”ün qələbə seriyası davam edir. Bu dəfə Leverkuzen təmsilçisi evdə “Darmştadt”ı darmadağın etdi. Komanda tarixində cəmi 3-cü dəfə bundesliqada mövsümə 3 qələbə ilə start vermiş oldu. Daha öncə buna 2003/04 və 2013/14-də təsadüf olunmuşdu. Bundesliqa tarixində “Bavariya” üzərində ən çox (28) qələbə qazanan və 2011/12-dən bəri “Bavariya” ilə oyunlarda ən çox (35) xal toplayan kollektiv olan Münhenqladbax “Borussiya”sının bu dəfə sürprizə gücü çatmadı. Düzdü, meydan sahibləri fasiləyə öndə yollandılar. Amma “rekordmayster” 2-ci hissədə çətinliklə də olsa, vəziyyəti öz xeyrinə dəyişə bildi. Qələbə qolunun müəllifi olan 18 yaşlı Tel bundesliqada ümumilikdə 7-ci qolunu vurdu. O, bunlardan 6-nı sonradan meydana çıxaraq vurub. “Bavariya” bu rəqibə qarşı rəsmi matçlarda 5 oyunluq qələbəsiz seriyaya son qoydu. Münhen nəhəngi yoluna itkisiz davam etsə də, top fərqində “Bayer-04”dən geridə olduğu üçün 2-ci pillədə qərarlaşıb. Yeri gəlmişkən, gələn tur məhz bu komandalar üz-üzə gələcək!

ÇL iştirakçılarının duelində “Leyptsiq” gözlənilmədən “Union”u səfərdə darmadağın etdi. Halbuki bu komandaların bundesliqadakı son 5 matçının hamısında “Union” qalib gəlmişdi. Özü də hamısında 2:1 hesabı qeydə alınmışdı! Bu nəticə ilə həm də “Union”un bundesliqada evdəki 24 oyunluq məğlubiyyətsiz seriyası başa çatdı. Turun əsas sürprizi “Frayburq”un Ştutqartda pərən-pərən düşməsi oldu. “Ştutqart” mövsümün ilk 2 ev oyununda artıq 9 qol vurub. Bu, klubun yeni rekordudu. Qvineyalı Seru Girassi isə Karl Allqeverdən (1984/85) sonra “Ştutqart” tarixində ilk 3 tura 5 qol vuran 2-ci futbolçuya çevrildi.

3-cü tur
Borussiya M – Bavariya 1:2
İtakura, 30 – Sane, 58. Tel, 87. (54042)
Bavariya: Ulrayx, Mazraui (Laymer, 46), Upamekano, Kim Min Çje, Devis, Kimmix, Qoretska (Tel, 81), Sane, Müller (Çupo-Motinq, 69), Koman (Qnabri, 69), Keyn (De Liqt, 90+5).
Borussia D – Haydenhaym 2:2
Brandt, 7. Əmrə Can, 15-p. – Ərən Dinkçi, 61. Klayndinst, 82-p. (81365)
Borussiya: Kobel, Volf, Zyule, Şlotterbek, Bensebayni, Zabitser, Əmrə Can, Malen, Brandt, Adeyemi (F.Nmeça, 64), Alle (Füllkruq, 78).
Union – Leyptsiq 0:3
Simons, 51. Şeşko, 85; 87. (22012)
Union: Rennov, Duxi, Knoxe, Leyte, Yuranoviç (Trimmel, 71), Layduni (Haberer, 71), Kral, Qosens, Fofana (Hollerbax, 61), Berens, Folland.
Leyptsiq: Blasvix, Henrixs (Lukeba, 88), Simakan (Klostermann, 67), Orban, Raum, Şlager, Kampl, Simons (Forsberq, 88), Olmo, Openda (Baumqartner, 75), Poulsen (Şeşko, 75).

Bayer-04 – Darmştadt 5:1
Bonifas, 21; 61. Palasios, 49. Hofmann, 67. Hlojek, 83 – Vilhelmsson, 25. (29653)
Bayer-04: Qradetski, Kossunu, Ta (Stanişiç, 72), Tapsoba, Frimponq (Tella, 72), Palasios (Andrix, 65), Caka (Mbamba, 80), Qrimaldo, Hofmann, Virts (Hlojek, 80), Bonifas.

Ştutqart – Frayburq 5:0
Fürix, 8; 62. Girassi, 17; 19. Miyo, 75. (54300)
Frayburq: Atubolu, Sildilliya (Şmidt, 46), Ginter, Linhart, Kübler, Eqqeştayn (Röl, 73), Höfler, Şallai (Doan, 46), Höler, Qrifo (Vaysshaupt, 73), Qreqoritş (Filipp, 46).

Ayntraxt F – Köln 1:1
Nkunku, 87 – Kaynts, 43-öz qapısına. (54000)
Ayntraxt: Trapp, Buta (P.Aaronson, 80), Tuta, Kox, Paço, Maks (Hauqe, 46), Skiri, Larsson (Rode, 73), Götse, Dina Ebimbe (Nkunku, 73), Marmuş (Nqankam, 67).

Hoffenhaym – Volfsburq 3:1
Bruks, 45+2. Bayer, 60. Skov, 74 – Tomaş, 36. (17500)

Verder – Maynts-05 4:0
Dukş, 3-p. Staqe, 53. Bittenkur, 82. Njinma, 83. (41000)

Auqsburq – Bohum 2:2
Belyo, 35. Demiroviç, 62 – Asano, 45+3; 64. (27422)

1. Bayer-04 3 3 0 0 11-3 9
2. Bavariya 3 3 0 0 9-2 9
3. Ştutqart 3 2 0 1 11-5 6
4. Leyptsiq 3 2 0 1 10-4 6
5. Union 3 2 0 1 8-5 6
6. Hoffenhaym 3 2 0 1 7-5 6
7. Volfsburq 3 2 0 1 5-4 6
8. Frayburq 3 2 0 1 3-6 6
9. Borussiya D 3 1 2 0 4-3 5
10. Ayntraxt F 3 1 2 0 3-2 5
11. Verder 3 1 0 2 4-5 3
12. Auqsburq 3 0 2 1 7-9 2
13. Bohum 3 0 2 1 3-8 2
14. Köln 3 0 1 2 2-4 1
15. Haydenhaym 3 0 1 2 4-7 1
16. Borussiya M 3 0 1 2 5-9 1
17. Maynts-05 3 0 1 2 2-9 1
18. Darmştadt 3 0 0 3 2-10 0
Bombardirlər: Girassi (Ştutqart) – 5, Berens (Union), Vind (Volfsburq), Bonifas (Bayer-04) – 4.
Növbəti turun oyunları sentyabrın 15-17-si aralığında keçiriləcək: Bavariya – Bayer-04, Leyptsiq – Auqsburq, Frayburq - Borussiya D, Volfsburq – Union, Maynts-05 – Ştutqart, Köln – Hoffenhaym, Bohum - Ayntraxt F, Haydenhaym – Verder, Darmştadt – Borussiya M.

Turun rəqəmi
100 – bundesliqada mövsüm çox məhsuldar başlayıb. “Leyptsiq”in yeni transferi Benjamin Şeşkonun “Union”la səfər oyununda vurduğu 2-ci qol cari “futbol ili”ndə vurulan 100-cü qol oldu. Bundesliqa tarixində buna qədər ilk 3 turdan sonra 100 qol həddi yalnız bir dəfə keçilmişdi. Bu hadisə 1984/85-də (109) baş vermişdi.

Turun ulduzu
Viktor Bonifas (Bayer-04) – bu tur 4 futbolçu dubl etdi. Amma biz 2 qolla yanaşı, hesabına həm də məhsuldar ötürmə yazan Bonifasa üstünlük veririk. “Bayer-04”ün bu yay Belçika təmsilçisi “Yunion”dan 20 milyon avroya transfer etdiyi 23 yaşlı nigeriyalı forvard ilk turlardan ümidləri doğrultmağa başlayıb. O, ardıcıl 2-ci turda dubl etməklə diqqəti çəkdi. Bundesliqada keçirdiyi ilk 3 oyunda o, artıq 6 qolun vurulmasında yaxından iştirak edib (4 qol, 2 ötürmə). Müvafiq statistikanın aparılmağa başlandığı 2004/05-dən bəri daha öncə yalnız iki futbolçu ilk 3 bundesliqa oyununda ən azı 6 qolda yaxından iştirak edib. Bunu Dortmund “Borussiya”sının heyətində 2018-də Pako Alkaser və 2020-də Erlinq Holann bacarmışdı.

Turun sitatı
Tomas Tuxel, “Bavariya”nın baş məşqçisi: “Transferin son günündə 1-2 oyunçu almağa yaxın olsaq da, baş tutmadı. İndi kimisə günahkar elan etməyin vaxtı deyil. Efirlərə çıxıb bunu təhlil etmək də yersizdi. Bu, heç mənim işim də deyil. Vəziyyəti olduğu kimi qəbul etməliyik. Ümid edirəm ki, bu heyətlə qışa qədər “sağ qala biləcəyik”. Palyinya bizə çox şey qata bilərdi. Heyətimiz kasaddı. Amma əlimizin altında olan futbolçulara güvənirik. Hücumameyilli oyunçularımız çox olsa da, müdafiəyəmeyilli oyunçularımızın sayı azdı”.