“Ölkə kubokunun finalında "Neftçi"ni məğlub edən heyətimiz qalsaydı…”
"Qəbələ" Konfrans Liqasında "Omoniya" hər iki oyunda uduzmaqla mübarizədən çəkildi.
Maraqlıdı ki, “qırmızı-qaralar”ın səfər oyununda bir nəfər belə azərbaycanlı azarkeş tribunalarda yer almamışdı. Bəs acı məğlubiyyət “Qəbələ” azarkeşlərinə necə təsir bağışlayıb?
"Red Black Army"nin təsisçilərindən Nəriman Təbrizin “Football-plus.az”a dedikləri:
"Çox təəssüflənirik. Fikrimcə, evdəki matçda minimum iki qol üstünlüyümüz olmalıydı. Nikosiyadakı qarşılaşmanın çox çətin keçəcəyi bəlli idi. Bu üzdən Qəbələdə tədbir görməliydik. Təbii ki, komandanı anlayışla qarşılayırıq. Yeni qurulub, xeyli dəyişiklik var. Hər halda, ölkə kubokunun finalında "Neftçi"ni məğlub edən heyətimiz qalsaydı, mənzərə indi daha fərqli idi. Məyusuq, amma ümidsiz deyilik. Sevimli komandamıza inamlı mübarizəyə görə təşəkkür edir, premyer-liqada uğurlar arzulayırıq".
KƏNAN BAHADIR
