Migel Kresponun ''Fənərbaxça''dakı gələcəyi ilə bağlı sürpriz xəbər var.

"Football-plus.az" xəbər verir ki, 26 yaşlı yarımmüdafiəçinin bu yay komandadan ayrılacağı gözlənilirdi. Rəhbərlik futbolçunun menecerinə başqa klublarla danışıqlar aparmağa icazə vermişdi. Amma ''Kadis'', ''Cenoa'', ''Sanderlend'' kimi klublarla aparılan danışıqlarda anlaşma əldə etmək mümkün olmadı. Son xəbərlərə inansaq, rəhbərlik fikrini dəyişərək Krespoya yeni müqavilə təklif etmək qərarına gəlib. Portuqaliyalıya üçillik müqavilə təklif olunub. Onun illik qazancı isə 600 min avrodan 1,4 milyon avroya qaldırılıb.

Qeyd edək ki, Krespo ''Fənərbaxça''da 3-cü mövsümünə daxil olur. O, indiyə qədər İstanbul nəhəngində keçirdiyi 65 rəsmi oyunda 4 qol, 6 məhsuldar ötürmə ilə fərqlənib.

ƏLİ