“Formula-1” dünyanın yeni kralı Maks Ferstappen həftəsonu vətənində yarışdı.

"Football-plus.az" xəbər verir ki, “Red Bull”un pilotu Zandvort mərhələsində də finişə hamıdan tez çatmaqla ardıcıl 9-cu qələbəsini qazandı. Beləliklə, Ferstappen almaniyalı Sebastyan Fettelin 2013-cü ildə müəyyənləşdirdiyi rekordu təkrarladı. Düzdü, Maks bu dəfə qələbə yolunda həmişəkindən çox əziyyət çəkdi. Bu da ilk növbədə daim dəyişən hava şəraitinə görə idi. Niderlandlı pilot bir an da arxayınlaşa bilmədi. Belə qarışıqlıqda Ferstappenin komanda yoldaşı – meksikalı Serxio Peres fəxri kürsüdən kənarda qaldı. Əvəzində ispaniyalı Fernando Alonso səhvsiz pilotaj sayəsində iyunda keçirilən Kanada “Qran-pri”sindən bəri ilk dəfə podiuma qayıtdı. Fransalı Pyer Qasli isə mövsümdə ilk dəfə “üçlük”də yer aldı.

Yeri gəlmişkən, Niderland mərhələsində tarixi rekord qeydə alındı. Pilotlar ümumilikdə 89 dəfə pit-stopa getməklə bunu reallaşdırdılar. Beləliklə, 2011-ci ildə yarışın Macarıstan mərhələsindəki 88 pit-stopluq rekord yeniləndi.

Daha bir xəbər odu ki, “Alfa Tauri”nin pilotu Daniel Rikkyardonun əli qırılıb. Bu hadisə məşq zamanı baş verib. Bolidi təhlükəsizlik səddinə çırpılan idmançı sol qolunda ağrı hiss edib. Xəstəxanaya aparılan avstraliyalının əlində sınıq aşkarlanıb. Bu səbəbdən Niderland mərhələsində onu gənc Liam Louson əvəz edib.

Təsnifat mərhələsi
1. Maks Ferstappen (Niderland) 1.10,567
2. Lando Norris (B.Britaniya) 1.11,104
3. Corc Rassell (B.Britaniya) 1.11,294  
4. Aleksandr Albon (Tayland) 1.11,419  
5. Fernando Alonso (İspaniya) 1.11,506
6. Karlos Sayns (İspaniya) 1.11,754
7. Serxio Peres (Meksika) 1.11,880  
8. Oskar Piastri (Avstraliya) 1.11,938
9. Şarl Lekler (Monako) 1.12,665
10. Loqan Sarcent (ABŞ) 1.16,748
11. Lens Stroll (Kanada) 1.20,121
12. Pyer Qasli (Fransa) 1.20,128
13. Lüis Hemilton (B.Britaniya) 1.20,151
14. Yuki Sunoda (Yaponiya) 1.20,230
15. Niko Hülkenberq (Almaniya) 1.20,250
16. Quanyuy Çjou (Çin) 1.22,067  
17. Esteban Okon (Fransa) 1.22,110  
18. Kevin Maqnussen (Danimarka) 1.22,192
19. Valtteri Bottas (Finlandiya) 1.22,260
20. Liam Louson (Yeni Zelandiya) 1.23,420
Həlledici mərhələ
306,587 km (4259 metrlik 72 dövrə)
1. Maks Ferstappen Red Bull 2:24.04,411
2. Fernando Alonso Alpin +3,744
3. Pyer Qasli Alpin +7,058
4. Serxio Peres Red Bull +10,068
5. Karlos Sayns Ferrari +12,541
6. Lüis Hemilton Mersedes +13,209
7. Lando Norris Maklaren +13,232
8. Aleksandr Albon Uilyams +15,155
9. Oskar Piastri Maklaren +16,580
10. Esteban Okon Alpin +18,346
11. Lens Stroll Aston Martin +20,087
12. Niko Hülkenberq Haas +20,840
13. Liam Louson Alfa Tauri +26,147
14. Kevin Maqnussen Haas +26,410
15. Valtteri Bottas Alfa Romeo +27,388
16. Yuki Sunoda Alfa Tauri +29,893
17. Corc Rassell Mersedes +55,754
Quanyuy Çjou (Alfa Romeo), Şarl Lekler (Ferrari) və Loqan Sarcent (Uilyams) finişə çatmayıb.
Şəxsi birincilik
1. Maks Ferstappen 339 xal
2. Serxio Peres 201
3. Fernando Alonso 168
4. Lüis Hemilton 156
5. Karlos Sayns 102
6. Şarl Lekler 99
7. Corc Rassell 99
8. Lando Norris 75
9. Lens Stroll 47
10. Pyer Qasli 37
11. Esteban Okon 36
12. Oskar Piastri 36
13. Aleksandr Albon 15
14. Niko Hülkenberq 9
15. Valtteri Bottas 5
16. Quanyuy Çjou 4
17. Yuka Sunoda 3
18. Kevin Maqnussen 2
Mühəndislər kuboku
1. Red Bull 540 xal
2. Mersedes 255
3. Aston Martin 215
4. Ferrari 201
5. Maklaren 111
6. Alpin 73
7. Uilyams 15
8. Haas 11
9. Alfa Romeo 9
10. Alfa Tauri 3