Hemilton Şumaherin hansı rekordunu yenilədi?
“Formula-1” üzrə dünya çempionatında 10-cu mərhələ arxada qaldı. “Red Bull”un pilotu Maks Ferstappen ardıcıl 6-cı, cari mövsümdə isə 8-ci qələbəsini qazandı.
"Football-plus.az" xəbər verir ki, “Maklaren”in pilotu Lando Norris finişə 2-ci çatdı. İlk “üçlüy”ü “Mersedes”dən Lüis Hemilton qapadı. Niderlandlı pilot artıq ən yaxın izləyicisindən – komanda yoldaşı Serxio Peresdən 99 xal irəlidədi. Onun ardıcıl 3-cü dəfə dünya çempionu olacağına heç kim şübhə etmir.
Böyük Britaniya mərhələsi bəzi başqa statistik məqamlarla da əlamətdar oldu. Cari mövsümdə ardıcıl 10-cu mərhələni qazanan “Red Bull” bu göstəricidə “Formula-1” rekordunu təkrarladı. İş ondadı ki, Böyük Britaniya komandası ötən ilin noyabrında keçirilən Əbu-Dabi “Qran-pri”sinin də qalibi olub, yəni qələbə seriyası 11-ə çatdı. “Red Bull”dan başqa ardıcıl 11 mərhələdə qalib gələn yeganə komanda “Maklaren”di. Bu komandanın 1988-ci ildə müəyyənləşdirdiyi rekord 35 il yaşadı.
“Mersedes”in pilotu Lüis Hemilton isə konkret bir “Qran-pri”də podium sayına görə Mihael Şumaherin müəyyənləşdirdiyi rekordu yenilədi. O, karyerasında 13-cü dəfə Böyük Britaniya mərhələsində fəxri kürsüyə qalxdı. Britaniyalı buna qədər rekordu San Marino, İspaniya və Kanada mərhələlərində 12 dəfə podium görən Şumaher ilə bölüşürdü.
Ferstappen yarışdan sonra bunları dedi:
“Çox pis start götürdüm, bunun nə ilə bağlı olduğunu aydınlaşdırmalıyıq. Startdan sonra Lando Norris, ümumiyyətlə, “Maklaren”in hər iki pilotu çox sürətli idi. Landonu ötmək üçün mənə bir neçə dövrə lazım gəldi, ardından fərq də yarada bildim. Təhlükəsizlik avtomobili trassı tərk edəndən sonra “Soft” təkərlərdə problem yarandı – bu trassda onları yeyilmədən qorumaq bizim üçün çətin idi. Komandam ardıcıl 11-ci dəfə qələbə qazandığına görə sevinirəm – qeyri-adi nəticədi! Ancaq bu gün qalib gəlmək çətin idi. Pis start üzündən yarış cəlbedici alındı, güclü şəkildə hücum etməli oldum. Lando gözəl mübarizə apardı, əhsən”.
Təsnifat mərhələsi
1. Maks Ferstappen (Niderland) 1.26,720
2. Lando Norris (B.Britaniya) 1.26,961
3. Oskar Piastri (Avstraliya) 1.27,092
4. Şarl Lekler (Monako) 1.27,136
5. Karlos Sayns (İspaniya) 1.27,148
6. Corc Rassell (B.Britaniya) 1.27,155
7. Lüis Hemilton (B.Britaniya) 1.27,211
8. Aleksandr Albon (Tayland) 1.27,530
9. Fernando Alonso (İspaniya) 1.27,659
10. Pyer Qasli (Fransa) 1.27,689
11. Niko Hülkenberq (Almaniya) 1.28,896
12. Lens Stroll (Kanada) 1.28,935
13. Esteban Okon (Fransa) 1.28,936
14. Loqan Sarcent (ABŞ) 1.28,956
15. Valtteri Bottas (Finlandiya) 1.29.798*
16. Serxio Peres (Meksika) 1.29,968
17. Yuki Sunoda (Yaponiya) 1.30,025
18. Quanyuy Çjou (Çin) 1.30,123
19. Nik de Vris (Niderland) 1.30,513
20. Kevin Maqnussen (Danimarka) 1.30,378
* - çəndə lazımi səviyyədə yanacaq olmadığına görə Bottasın nəticəsi ləğv olunub.
Həlledici mərhələ
306,198 km (5891 metrlik 52 dövrə)
1. Maks Ferstappen Red Bull 1:25.16,938
2. Lando Norris Maklaren +3.798
3. Lüis Hemilton Mersedes +6.783
4. Oskar Piastri Maklaren +7.776
5. Corc Rassell Mersedes +11.206
6. Serxio Peres Red Bull +12.882
7. Fernando Alonso Alpin +17.193
8. Aleksandr Albon Uilyams +17.878
9. Şarl Lekler Ferrari +18.689
10. Karlos Sayns Ferrari +19.448
11. Loqan Sarcent Uilyams +23.632
12. Valtteri Bottas Alfa Romeo +25.830
13. Niko Hülkenberq Haas +26.663
14. Lens Stroll Aston Martin +27.483
15. Quanyuy Çjou Alfa Romeo +29.820
16. Yuki Sunoda Alfa Tauri +31.225
17. Nik de Vris Alfa Tauri +33.128
Esteban Okon (Alpin), Kevin Maqnussen (Haas) və Pyer Qasli (Alfa Tauri) finişə çatmayıb.
Şəxsi birincilik
1. Maks Ferstappen 255 xal
2. Serxio Peres 156
3. Fernando Alonso 137
4. Lüis Hemilton 121
5. Karlos Sayns 83
6. Corc Rassell 82
7. Şarl Lekler 74
8. Lens Stroll 44
9. Lando Norris 42
10. Esteban Okon 31
11. Oskar Piastri 17
12. Pyer Qasli 16
13. Aleksandr Albon 11
14. Niko Hülkenberq 9
15. Valtteri Bottas 5
16. Quanyuy Çjou 4
17. Yuka Sunoda 2
18. Kevin Maqnussen 2
Mühəndislər kuboku
1. Red Bull 411 xal
2. Mersedes 203
3. Aston Martin 181
4. Ferrari 157
5. Maklaren 59
6. Alpin 47
7. Haas 11
8. Uilyams 11
9. Alfa Romeo 9
10. Alfa Tauri 2
