"Qəbələ"nin uğursuzluğunun başlıca səbəbi ötən mövsüm bitəndən sonra baş verən “yarpaq tökümüdü”. Komanda avrokubok ərəfəsində əksər əsas heyət oyunçularını itirdi. Yeni transferlər də gec qoşuldu və hələ gedənlərin yerini doldurmurlar. Maçado, Santos, Utziq kimi vuran ayaqların və oyun qurucusu İsnik Aliminin gedişi komandanın oyun ansamblını və hücumda kəsəri məhv etdi. Ayzayaya ümidlər çox olsa da, hələlik Aliminin yerini vermir. Bütün bunlar "qırmızı-qaralar"ın həm Konfrans Liqasına, həm də ölkə çempionatına uğursuz başlamasıyla nəticələndi. Avrokubok qarşılaşmaları daxil ardıcıl 5 məğlubiyyət komandada psixoloji durumu daha da pisləşdirib. Düzdü, "Sumqayıt"la oyunda bölgə təmsilçisi 2-ci hissədə döyüşdü, hətta qol hesabını da açdı. Lakin məğlubiyyətdən qaça bilmədilər. Ümid var ki, "Qəbələ" toparlanacaq, yenidən “relsə düşmək” üçün mütləq bir qələbə lazımdı. Həmin 3 xal futbolçularda özünə inamı və motivasiyanı artıracaq. İstənilən halda "Qəbələ"nin toparlanacağını gözləyirəm və buna inanıram".