"İkiillik fasilədən sonra "Qəbələ-2" olaraq, 1-ci liqada içtirakımızı bərpa etdik. Başlıca məqsəd akademiyamızdakı gənclərin istedadını üzə çıxarmaq idi. Həmin uşaqlardan döyüşkən komanda formalaşdırdıq. Ümumi götürəndə indiki "Qəbələ-2"nin heyətinin 90 faizi 10 ildi bizlədi, akademiyamızdan yetişərək bu səviyyəyə gəlib. Uğurlu çıxışın səbəblərindən biri 2005 təvəllüdlü oyunçularla 3 illik birgə zəhmətin nəticəsidi. Digər səbəb isə yetirmələrimizin əsas komandaya can atmalarıdı. "Qəbələ"də gənc oyunçuların irəli çəkilməsi üçün bütün qapılar açıqdı. Bircə qalır özünü yaxşı tərəfdən göstərmək. Əsas komandanın baş məşqçisi Elmar Baxşıyev də sağ olsun, tez-tez əvəzedicilərin məşqlərində iştirak edir. Qarşımıza qoyulan əsas məqsəd "Qəbələ"yə oyunçu qazandırmaqdı. Emil Səfərov artıq ötən mövsümdəm özünü yaxşı tərəfdən göstərməklə əsas komandanın üzvünə çevrildi. Bu mövsümdən isə Mehrac Baxşalı əsas komadada möhkəmlənməyə çalışır. Sənan Ağalarov, Xəyal Xudaverdiyev, Hüseyn Mürsəlov, Nicat Əliyev və başqa gənclərimiz də Elmar Baxşıyevin sərəncamındadı. "Qəbələ-2"dəki qapıçılara gəlincə, iki seçimimiz var. Əlimizin altında həm əsas komandanın 3-cü qapıçısı Elməddin Sultanov, həm də perspektivli Həbib Hüşənov var. Hər ikisinin xidmətində maraqlıyıq. Həbib hazırda U-17-nin toplanışındadı. 2007-ci il təvəllüdlü qapıçını akademiyamızda az görürük. Çünki o, tez-tez aşağı yaş qrupu üzrə yığmaların toplanışlarına cəlb olunur. Odu ki, Elməddinə hazırda daha çox şans veririk. Çempionata pis başlamamışıq və uğurumuzun davamını gətirmək istəyirik".

"Əsas komandamız son üç mövsümdə uğurlu çıxışla hamını təəccübləndirə bildi. "Qəbələ" çempionatın oyun planında ən kreativ komandalarından biridi. Bildiyiniz kimi, mövsüm bitəndən sonra əsas heyət oyunçuların çoxu komandanı tərk etdi. "Qəbələ" faktiki yenidən qurulur. Hazırkı oyunçular tam uyğunlaşmayıb. Bizə zaman və toparlanmaq lazımdı. İnanıram ki, qarşıdakı turlarda yenidən güclü "Qəbələ" görəcəyik".