"Qəbələ" son oyunlarda dalana dirənib”
Bu həftə ölkə çempionatında sonuncu turun oyunları keçiriləcək.
İlk üç yerin sahibi bəlli olsa da, Konfrans Liqasına vəsiqə verən 4-cü yerin sahibinin kimliyinə və elitada qalacaq komandanın adına aydınlıq gəlməyib. Hazırda "Qəbəbə" 49 xalla 4-cü pillədə qərarlaşsa da, "Zirə" son turda bu komandanın uduzması, özünün isə qələbə qazanması halında yuxarı qalxacaq. "Səbail" ilə "Şamaxı" sonuncu turda öz aralarında haqq-hesab çəkəcəklərindən kimin elitada qalacağı, kimin 1-ci diviziona yuvarlanacağı şəxsi dueldə bəlli olacaq.
“Football-plus.az” saytı sadalananlarla bağlı təcrübəli mütəxəssis Əfqan Talıbovun fikirlərini öyrəndi:
"Sonuncu - 36-cı tura gəlib çıxsaq da, gərginlik davam edir. Bunun da əsas səbəbi 4-cü yerin sahibi ilə sonuncu olacaq komandanın rəsmləşməməsidi. "Qəbələ" son oyunlarda dalana dirənib.
Əsas heyət oyunçularından Asif Məmmədovla Feras Abu Akal sıradan çıxdı. Kapitan meydanda həm top saxlayan, həm də oyun qurucusu kimi, Akal isə qara işləri üzərinə götürməklə diqqəti çəkirdi. Bu iki futbolçunun yoxluğu orta xətdə böyük itkidi. Ona görə "Kəpəz"lə oyunda İsnik Aliminin üzərinə böyük yük düşəcək. Hazırda Əyyub Allaş ilə Rafael Utziq yaxşı anlaşır.
Düşünürəm ki, sonuncu oyunda Elmar Baxşıyev bu duetə arxalanmaqla rəqibi cəzalandıracaq. Bölgə təmsilçisi çətinliklə də olsa, 4-cü yeri əlində saxlayacaq. Odu ki, "Zirə"nin elə 5-ci yerdə qalacağını düşünürəm. Şəxsi oyunları da nəzərə alsaq, "qırmızı-qaralar" qəsəbə təmsilçisini üstələyir. Turun əsas gərginliyi və bütün diqqətlər "Səbail" - "Şamaxı" görüşünə cəmləşəcək. Çünki iki komandadan biri elitanı tərk etməlidi.
Meydan sahiblərinə 1 xal da kifayətdi, amma "Şamaxı" elitada qalmaq istəyirsə, mütləq qələbə qazanmalıdı. "Dənizçilər" yalnız xal durumuna görə yox, heyət və psixoloji cəhətdən də üstündü. 35-ci turda səfərdə - "Turan Tovuz"la oyunda 2 top geridə olduqları halda xarakter nümayiş etdirərək yekunda Bakıya heç-heçə ilə qayıtdılar.
Onlar hazırda psixoloji cəhətdən və motivasiya baxımından daha üstündü. Bundan başqa, "Səbail"də legionerlər və təcrübəli yerli oyunçular da yer alır. Bu komandanın heyəti genişdi, Qomis, Lyuyiç, Ağabala kimi fərdi oynayan oyunçuları var. Amma "Şamaxı"da vəziyyət fərqlidi. Heyətləri kasaddı. Onlar oyuna daha ehtiyatlı başlayacaq. Məqsədləri öncə qapılarını toxunulmaz saxlamaq, sonra qol və qollar vurmaqdı.
Bəlkə də "şirlər" doğma meydanda oynasaydılar, daha açıq futbol sərgiləyəcəkdilər. Amma səfərdə maksimum diqqətlə oynamaqla 3 xal qazanmağa çalışacaqlar”.
Əsas heyət oyunçularından Asif Məmmədovla Feras Abu Akal sıradan çıxdı. Kapitan meydanda həm top saxlayan, həm də oyun qurucusu kimi, Akal isə qara işləri üzərinə götürməklə diqqəti çəkirdi. Bu iki futbolçunun yoxluğu orta xətdə böyük itkidi. Ona görə "Kəpəz"lə oyunda İsnik Aliminin üzərinə böyük yük düşəcək. Hazırda Əyyub Allaş ilə Rafael Utziq yaxşı anlaşır.
Düşünürəm ki, sonuncu oyunda Elmar Baxşıyev bu duetə arxalanmaqla rəqibi cəzalandıracaq. Bölgə təmsilçisi çətinliklə də olsa, 4-cü yeri əlində saxlayacaq. Odu ki, "Zirə"nin elə 5-ci yerdə qalacağını düşünürəm. Şəxsi oyunları da nəzərə alsaq, "qırmızı-qaralar" qəsəbə təmsilçisini üstələyir. Turun əsas gərginliyi və bütün diqqətlər "Səbail" - "Şamaxı" görüşünə cəmləşəcək. Çünki iki komandadan biri elitanı tərk etməlidi.
Meydan sahiblərinə 1 xal da kifayətdi, amma "Şamaxı" elitada qalmaq istəyirsə, mütləq qələbə qazanmalıdı. "Dənizçilər" yalnız xal durumuna görə yox, heyət və psixoloji cəhətdən də üstündü. 35-ci turda səfərdə - "Turan Tovuz"la oyunda 2 top geridə olduqları halda xarakter nümayiş etdirərək yekunda Bakıya heç-heçə ilə qayıtdılar.
Onlar hazırda psixoloji cəhətdən və motivasiya baxımından daha üstündü. Bundan başqa, "Səbail"də legionerlər və təcrübəli yerli oyunçular da yer alır. Bu komandanın heyəti genişdi, Qomis, Lyuyiç, Ağabala kimi fərdi oynayan oyunçuları var. Amma "Şamaxı"da vəziyyət fərqlidi. Heyətləri kasaddı. Onlar oyuna daha ehtiyatlı başlayacaq. Məqsədləri öncə qapılarını toxunulmaz saxlamaq, sonra qol və qollar vurmaqdı.
Bəlkə də "şirlər" doğma meydanda oynasaydılar, daha açıq futbol sərgiləyəcəkdilər. Amma səfərdə maksimum diqqətlə oynamaqla 3 xal qazanmağa çalışacaqlar”.
ABDULLA İSMAYILOĞLU
Digər xəbərlər
