"Qəbələ" yola saldığımız mövsümdə yaxşı futbol sərgiləyərək həm 4-cü pilləni tutub, həm də ölkə kubokunu götürsə də, heyəti kasad idi. Bu da komandanın işini ləngidirdi. Bölgə təmsilçisi aparıcı futbolçularını saxlaya bilmədi. Gedənlərin yerinə yalnız Ahmet Ayzayanı cəlb ediblər ki, onunla da iş bitmir. Konfrans Liqasında uğurlu çıxış etmək üçün klub hər mövqeyə yeni oyunçular cəlb etməlidi. Əsas da Ruan Renato ilə İsnik Alimiyə layiqli əvəzləyicilər tapılmalıdı. Amma "Qəbələ"də hələ ki transfer işləri çox ləng gedir. Yenə də biz kənardan müşahidələrimizi bölüşə bilərik. Hər şeyin yaxşısını komandanın içində olan Elmar müəllim bilir. İnanıram ki, "Qəbələ" problemlərini həll edib, ölkəmizi avrokubokda layiqli təmsil edəcək. Onlara uğurlar arzulayıram".