“Peşəkar liqaya buraxılsaydıq, "Turanbank" pulu bir qədər də artıracaqdı”
Yeni yaradılan 2-ci liqaya buraxılmayan komandalardan biri "Göyəzən"di.
Qazax təmsilçisi klub infrastrukturundakı problemlərə və maliyyə sıxıntısına görə çempionatdak kənar qaldı. Sovet dönəmindən futbol oynayan, ölkə çempionatının güclülər dəstəsində çıxış edən, uzun müddət də Region Liqasında mübarizə aparan qazaxlıların həqiqətənmi ciddi maliyyə problemləri var? "Football-plus.az" saytı olaraq, bunu aydınlaşdırmaq üçün "Göyəzən"in təsisçisi və prezidenti Mehdi Salmanova müraciət etdik:
"Uzun illərdi "Turanbank" bizə maliyyə yardımı ayırır. Demirəm ki, yüksək məbləğdə sponsorluq olunur, amma az da olsa, kömək edirlər. Sözüm odu ki, biz bəzi klublardan fərqli ancaq AFFA-ın ayırdığı maddi yardım hesabına yaşamırıq. Zatən federasiyanın verdiyi pula qalsa, heç səfərə çıxa bilmərik. Region Liqasında çıxışımız zamanı daim sabit olmuşuq - səfər, ev oyunlarının eçirilməsində problemimiz olmayıb. Yəni inanmıram ki, sırf maliyyə məsələsinə görə bizi 2-ci liqaya buraxmasınlar. Başqa səbəblər var. Hətta peşəkar liqaya buraxılsaydıq, "Turanbank" pulu bir qədər də artıracaqdı. 45 ilin komandasının 2-ci liqaya buraxılmamasına hələ də üzgünük".
ABDULLA İSMAYILOĞLU
Digər xəbərlər
