"Hakimlik bir şey yoxdu"
Misli premyer-liqasında 3-cü turun matçları keçirilir.
"Football-plus.az" xəbər verir ki, "Qarabağ" "Araz-Naxçıvan"ı qəbul edib - 2:1. Matçdan sonra qonaqların çalışdırıcısı Azər Bağırovun mətbuat konfransı keçirilib. Sizi mütəxəssisin fikirləri ilə tanış edirik:
"Rəqib nə qədər yorğun görünsə də, çətin oyun olacağını bilirdik. "Qarabağ"ı avrokuboklardakı uğuruna görə təbrik edirəm. Bu gün yaxşı oynadıq. Futbolçular arasında adaptasiya getməlidi. Bu, gələcək oyunlarda düzələcək".
- Sonda hesabı qorumaq üçün nə çatışmadı?
- Futbolçulara deyirəm ki, hər zaman motivasiya olmalıdı, konsentrasiya itməməlidi. Futbol hakimin final fitində bitmir. Paltardəyişmə otağında bitməlidi. Uşaqlar kosnentrasiyadan düşdülər. Yorğunluq da ola bilər. Yaxşı oynadıq. Əhsən onlara.
- İki legioneri sonradan meydana buraxdız. Halbuki onlar əsas oyunçulardı...
- Qurban müəllim çempionat oyunlarında ikinci hissədə güclü oyunçuları meydana buraxır. Biz də istədik ki, ikinci hissədə onları meydana buraxaq.
- İlk yarıda sizin, ikinci hissədə "Qarabağ"ın penaltisi verilmədi. Hakimin nəticəyə təsiri oldu?
- Hakimlik bir şey yoxdu. Görübsə, verəcək. VAR sistemi var. Amma yenə də hakimlik bir şey yoxdu. Onların üzərinə getməyin mənası yoxdu.
- Meydana 7 legionerlə çıxmışdız, "Qarabağ" 7 yerli oyunçu ilə...
- "Qarabağ"dakı yerlilər neçə illərdi birlikdə oynayır. Onların bir-biri ilə anlaşması legionerlərdən geri qalmır. Üç turdu ki, bir yerdə oynaya bilirik. Birlikdə yoxlama görüşü də keçirməmişik. Uşaqlar bir-birini rəsmi oyunlarda hiss edirlər. Çətindi. Amma çətinliklərin hamısını adlamalıyıq.
Digər xəbərlər
