Vüqar Əsgərli: "Planlaşdırdığımızdan daha yaxşı yerdəyik"
Misli premyer-liqasında 20-ci turun oyunları keçirilir.
"Qarabağ" "Şamaxı"nı məğlub edib - 3:1. Matçdan sonra qonaqların çalışdırıcısı Vüqar Əsgərlinin mətbuat konfransı keçirilib. Sizi mütəxəssisin fikirləri ilə tanış edirik:
"Qarabağ"a qarşı oynamağın xüsusiliyi var. Çünki onlar ölkəmizin ən yaxşı klublarından biridi. Onların topa daha çox sahib olacağını gözləmək olardı. Futbolçulara tapşırıqlar vermişdik. Oyunçular əzmkarlıq göstərdi. Onlara təşəkkür edirəm. Gələcəyə ümidlə baxa bilərik ki, daha yaxşı oynayacağıq".
- Son dəqiqələrdə qol vurdunuz. Komandanızın oyunundan razı qaldız?
- Bəli, razı qaldım. 90 dəqiqə mübarizə aparmağa gücümüz var. Son dəqiqədə qol vurmağımız sevindiricidir. Fərdi səhvlər olsa da, yaxşı mübarizə apardıq.
- Premyer-liqada sanki ilk və ikinci beşliyə bölünüb. Özünüzü mövsümün sonunda ikinci beşliyin harasında görürsüz?
- Bacardığımız qədər xallar toplayaraq aşağı pillədən uzaqlaşmaq istəyirik. Premyer-liqanı tərk etmək istəmirik.
- Son pilləni tutan komanda premyer-liqanı tərk edəcək. Təzyiq var?
- Böyük təzyiq yoxdu. Planlaşdırdığımızdan daha yaxşı yerdəyik, tez inkişaf etmişik. Yolumuza baxırıq. Daha yaxşı yerlərə ümid edirik.
Digər xəbərlər
