Sukerberq söz atdı, Mask ona qəribə cavab yazdı
UFC prezidenti Dana Uaytın dünyanın ən zəngin adamlarından sayılan İlon Maskla Mark Sukerberq arasında Kolizeydə döyüş təşkil etmək ideyasıyla bağlı yazmışdıq.
Amma “feysbuk”un qurucusu Sukerberq belə hesab edir ki, sosial şəbəkələrdə gəzən bütün söz-söhbətə baxmayaraq, Mask onunla döyüşməyə hazırlaşmır:
“Düşünürəm, hamınız razılaşarsız ki, İlon qeyri-ciddi adamdı və artıq irəli getməyin vaxtıdı. Mən ona real döyüş vaxtı təklif etdim. Dana Uayt isə bunu əsl xeyriyyə yarışına çevirməyimizi istədi. İlon nə vaxtsa real tarix və rəsmi tədbir haqda ciddi şəkildə danışmaq istəsə, məni necə tapmalı olduğunu bilir. Əks halda irəl getməyin vaxtıdı. Mən bu idman növünə ciddi yanaşan adamlarla yarışlara köklənməyə hazırlaşıram”.
Dünyanın ən zəngin adamı Mask Sukerberqin yuxarıda məğzini çatdırdığımız fikirlərini cavabsız qoymayıb:
“Tık-tık... Çağırış qəbul olundu... Qapını aç. Düşündün ki, çay istəyirsən, sənə paket gətirmişəm. “Tesla FSD”nin axşamkı testi zamanı maşından xahiş edəcəm ki, Markın evinə qədər getsin. Son versiyanı “tvitter”də canlı yayında da yoxlayacam ki, real vaxt rejimində hadisələri izləyə biləsiz. Bəxtimiz gətirsə, Mark qapını açsa, onda döyüş başlayacaq”.
Digər xəbərlər
