İlon Mask dünən səhər saatlarında “Mançester Yunayted”in səhmlərini alacağı ilə bağlı öz “tvitter” səhifəsində paylaşım edib. Əlbəttə, bu fikri ilə diqqətləri özünə çəkməyi bacarıb.

Amma o, bir neçə saat sonra bunun bir zarafat olduğunu bildirib. Mask ondan məlumatı dəqiqləşdirmək istəyən sosial şəbəkə istifadəçisinə “Xeyr, bu, “tvitter” zarafatıdı. Mən heç bir idman klubunu almıram” yazıb.

Qeyd edək ki, Mask “tvitter”də heç bir razılaşma şərtlərini açıqlamadan “Mançester Yunayted”i alıram” sərlövhəli post paylaşıb.
Yeri gəlmişkən, 2005-ci ilin mayında amerikalı iş adamı Malkolm Qleyzer MY-nin təxminən 1,47 milyard dollar dəyərində olan səhmlərinə nəzarət paketini alıb. O, bir müddət sonra öz payını 75 faizə çatdırıb ki, bu da ona kluba tam nəzarət imkanı yaradıb.