Nikolo Zanyolonun ''Qalatasaray'' karyerası başa çatmaq üzrədi.

"Football-plus.az" xəbər verir ki, son matçlarda zədəli olduğunu bəhanə gətirərək oynamayan italiyalı ulduz çox güman, karyerasını İngiltərədə davam etdirəcək. Türkiyə mətbuatının yazdığına inansaq, ''Qalatasaray'' rəhbərliyi ''Aston Villa''nın təklifini qəbul edib. Birmingem klubu ilk mövsümdə Zanyolonu 5 milyon avro qarşılığında icarəyə götürəcək. Müqavilədə 27 milyon avroluq məcburi transfer maddəsi də yer alacaq. Yəni İstanbul nəhəngi bu satışdan ümumilikdə 32 milyon avro qazanacaq. Amma bu məbləğin təxminən 3,4 milyon avrosu Zanyolonun əvvəlki klubu ''Roma''ya ödəniləcək.

Xatırladaq ki, 24 yaşlı futbolçu İstanbul nəhənginə bu ilin fevralında gəlib. Zanyolo indiyə qədər ''sarı-qırmızılar''ın heyətində 12 rəsmi oyuna çıxaraq 5 qol, 1 məhsuldar ötürməlik performans sərgiləyib.