Neymar çoxdankı arzusuna çatmaq üzrədi.

"Football-plus.az" xəbər verir ki, o, PSJ-ni tərk edərək əvvəlki klubuna qayıdacaq.

Xəbəri yayan “El Chiringuito” televerilişi Neymarın “Barselona” ilə şəxsi müqaviləsi üzrə razılığa gəldiyini iddia edib. Bu mənbəyə görə, braziliyalı futbolçu ilə 13 milyon avro maaşa razılaşmaqla “2+1” illik müqaviləni imzalamağa hazır olduğunu bildirib. “Barselona” rəhbərliyi bundan sonra PSJ ilə danışıqlarda qarşı tərəflə anlaşmağa çalışacaq.

Bir neçə gün əvvəl Fransa klubunun Neymarı kataloniyalılara satmağa hazır olması haqda iddia səslənmişdi. 31yaşlı futbolçu PSJ-də 2017-ci ildən çıxış edir. 6 il əvvəl parislilərə 222 milyon avroya başa gələn hücumçu son mövsümdə bütün turnirlərdə 29 oyun keçirib, 18 qol vurub və 7 məhsuldar ötürmə edib.