Kriştiano Ronaldo başına iş açıb. Ulduz futbolçu həbs oluna bilər.

“Football-plus.az” xəbər verir ki, o, matç zamanı xristianlara məxsus jest edib. Bu isə Səudiyyə Ərəbistanı qanunlarına əsasən qadağandı. 38 yaşlı Kriştiano Ərəb Çempion Klublar Kuboku turnirinin “Əl-Şorta” (İraq) ilə oyununda vurduğu qolla “Əl-Nəssr”ə qələbə qazandırıb. Qolu qeyd edərkən xristian jesti ilə diqqət mərkəzinə düşüb.

Qeyd edək ki, Səudiyyə Ərəbistanında xristianların hər hansı dini hərəkəti cinayət sayılır. Bu hərəkətləri nümayiş etdirən şəxsin digər şəxsləri öz inancına dəvət etməyə çalışdığı hesab olunur. Belə hərəkətə görə həbs cəzası da nəzərdə tutulur.

Yeri gəlmişkən, “Əl-Nəssr”in sabiq oyunçusu Xuan Pablo Pino İsa Məsihin təsviri olan döyməyə görə həbs olunub.