Cavid Hüseynov: “Komanda şəklində həm müdafiədə, həm də hücumda problemlərimiz var”
Yeni yaradılan 2-ci liqada çıxışına icazə verilən komandalar arasında "Cəbrayıl"la "Füzuli" də var. Dünən Qarabağ təmsilçiləri öz aralarında yoxlama oyunu keçirib. Gərgin qarşılaşmada 7 qol qeydə alınıb və Füzuli təmsilçisi qalib gəlib.
"Cəbrayıl"ın baş məşqçisi və prezidenti Cavid Hüseynov matçla bağlı "Football-plus.az" saytına dedikləri:
"10 gündü bir araya gəlmişik. Komandaya baxışa xeyli gənc oyunçu çağırmışıq. Heyətimiz hələ ki komplektləşməyib. Hazırda əsas məqsəd heyəti formalaşdırmaqdı. Bunun üçün maksimum oyunlar keçirmək istəyirik. Alınsa, hər həftəsonu ən azı 1 matç keçirəcəyik. "Füzuli" ilə oyunda pis çıxış etmədik. Amma yenə də yetirmələrimin formasından razı deyiləm. Komanda şəklində həm müdafiədə, həm də hücumda problemlərimiz var".
ABDULLA İSMAYILOĞLU
