Cavid Hüseynov “Cəbrayıl”ı bir məktəbdə oxuduğu dostuna tapşırıb
Ötən mövsüm Region Liqasında çempion olan "Cəbrayıl" Cavid Hüseynovun gedişindən sonra boş qalan baş məşqçi postuna gənc mütəxəssis təyin edib.
Avqustun 31-də klub rəhbərliyi Azər Nəsirovla razılığa gəlib.
"Cəbrayıl"ın yeni çalışdırıcısı ilə təyinatı, qarşıya qoyulan məqsədlər ilə bağlı danışdıq:
"Cəbrayıl" yaranan gündən futbolçu kimi komandanın üzvüyəm. Məni komandasında görmək istəyən Cavid Hüseynov olub. Onunla həm bir məktəbdə oxumuşuq, həm də yoldaşlığımız olub. Baş məşqçi kimi irəli çəkilməyim Cavid müəllimlə Elhad Nəzirinin sayəsində gerçəkləşdi. Qarşıdan Region Liqasının oyunları gəlir. Məqsədimiz uzun müddət erməni işğalı altında olan və müzəffər ordumuz tərəfindən azad olunan Cəbrayıl şəhərinin adının daim zirvələrdən gəlməsinə çalışmaqdı. Ona görə də yeni mövsümdə maksimum irəli getmək istəyirik. Heyətimiz yenidən formalaşır. Ötən mövsümdəki əsas heyətdən cəmi 6 futbolçu qalıb, əksəriyyəti gənclərdi. Buna rəğmən, döyüşkən komanda formalaşdıraraq adımıza uyğun mübarizə aparacağıq".
ABDULLA İSMAYILOĞLU
