“Neftçi” ilə oyunda “Kəpəz”in ən yaxşılarından biri Abdullahi Şuaybu idi. Nigeriyalı forvard qonaq müdafiəçilərin başına oyun açdı.

Futbolçunun "Football-plus.az"a mqsahibəsini təqdim edirik.

- Mövsümdəki ilk oyunda " Neftçi"ni məğlub etdiz. Matç haqda fikirlərini bilmək maraqlı olardı.
- Əla oyun oldu. “Neftçi” çox güclü rəqibdi. Qələbədən məmnunuq. Bu hələ başlanğıcdı. Oyuna əla köklənmişdik. Məşqçinin tapşırıqlarını
yerinə yetirdik. Bu səbəbdən də qələbə qazandıq . Azarkeşlərimizə təşəkkür edirəm . Həmçinin bu oyunda bizimlə birlikdə olan hər kəs öz
minnətdarlığımı bildirirəm. Qələbəni onlar üçün qazandıq.

- Bu qalibiyyət növbəti oyunlarınıza müsbət mənada təsir edə bilər?
- Əlbəttə! “ Neftçi ” kimi komandanı ilk turda məğlub etdik. Bu, bizim üçün əlavə motivasiyadı. Təbii ki, qarşıdakı oyunlarda yaxşı çıxış
etməyimizə təsir edəcək.

- Mətbuatda klubdan getməyinlə bağlı xəbərlər yayılmışdı. Həqiqətən "Kəpəz"i tərk etməyə yaxın idin?
- Əvvəl də dediyim kimi, hər şey Allahın əlindədi. Təkliflər var idi, onları dəyərləndirirdim . Sonradan klub rəhbərliyi ilə danışıq apardıq və razılaşdıq ki, komandada qalım . Bilirsiz ki, müqaviləm var. Getməyimlə bağlı qərarı təkcə mən vermirdim. Xoş hal oldu ki, sonda “Kəpəz” rəhbərliyi ilə razılaşdıq. Hazırda bu komandada çıxış etdiyimə görə şadam. Əlimdən gələni edəcəm ki, kollektivimiz uğurlu nəticələr qazansın.

- Oyunda 3-4 qol imkanından istifadə edə bilmədin...
- Bu, hələ ilk matçdı. Biz oyuna fokuslanmağa çalışırıq. Gənc oyunçuyam, bu epizodları daha çox yaratmağa cəhd göstərəcəyəm. Qarşıda hələ oyunlarımız var. Həmin görüşlərdə daha yaxşı “Kəpəz” görəcəksiz.

- Premyer-liqada hədəfləriniz nədi?
- Oyuna 100 faiz köklənmək, bir hücumçu kimi komandama kömək etmək əsas məqsədimdi. Düzdü, güclənməyə ehtiyacımız var. Düşünürəm ki, premyer-liqada qalmaq üçün mübarizə aparacağıq.

İLKİN SULTANLI