Qara Qarayevin "Zirə" ilə kubokun finalında "Neftçi" ilə oyunu xatırlamasına səbəb nə olub? - AÇIQLAMA
Dünən Azərbaycan kubokunun finalında "Qarabağ" "Zirə" ilə üz-üzə gəlib.
"Football-plus.az" xəbər verir ki, görüşün əsas və əlavə vaxtında qalib müəyyənləşməyib - 1:1.
Penaltilər seriyasında isə Ağdam təmsilçisi 4:3 hesablı qələbə qazanıb.
Qarşılaşmadan sonra "Qarabağ"ın üzvü Qara Qarayev jurnalistlərə görüşlə bağlı açıqlama verib:“Bütün komanda üzvlərimizə təşəkkür edirəm. Çünki kubok yolu bir az çətin idi. Bizim üçün ağır keçdi. Amma bu kuboku əldə etdik. “Zirə”yə qarşı final görüşü ağır alındı. Amma sonda kuboku qazandıq. Bu, bizim üçün əlavə sevinc, əlavə motivasiyadı. Bütün azarkeşlərimizə, “İmarət”imizə, “Qarabağ Ordu”muza təşəkkür edirəm. Həqiqətən qarşımıza qoyulan bütün məqsədlərə çatdıq. Bundan sonra da işimizə davam edəcəyik. Matçın sonlarına yaxın bir az da “Neftçi” ilə oyunun ssenarisini fikirləşirdim. Amma şükürlər olsun ki, yekunda qalib gəldik. Bir az çətin oldu. Bura gəlmək, burda oynamaq Bakıdan bir az fərqli, bir az ağırdı. Bunun öhdəsindən 120 dəqiqədə gəldik. Layiq olduğumuz qələbəni qazandıq. “Zirə”yə təşəkkür edirəm. Rəşada da uğurlar arzulayıram. O, son vaxtlar daha möhtəşəm, daha yaxşı, daha sıx, qol buraxmayan komanda formalaşdıra bilib”.
Digər xəbərlər
