“Harda “Neftçi” varsa, biz də ordayıq”
“Neftçi” – “Jelezniçar” oyununu izləyənlər arasında tanınmış aktyor Çingiz Əhmədov da var idi.
"Football-plus.az" saytı olaraq oyundan sonra onun da fikirlərini öyrəndik:
"Həmişə olduğu kimi oğlum İbrahimlə "Neftçi"dən qələbə gözləyirdik. Şükürlər olsun, buna da nail olduq. Harda "Neftçi" varsa, biz də ordayıq və dəstəyimizi daim nümayiş etdirəcəyik. Növbəti mərhələdə "Beşiktaş"la qarşılaşacaqlar. Hər iki komandaya uğurlar arzulayıram. Bu görüşdə "Beşiktaş" da qalib gəlsə, yenə də "ağ-qaralar"la fəxr edəcəyik. Əsas odu ki, qardaşlıq qazansın".
60 yaşlı aktyor sevimli komandasının yeni mövsümdə çempion olacağını dedi:
"Fikrimcə, bu mövsüm ya "Neftçi", ya da "Sabah" ölkə çempionu olacaq. Hər iki klub Azərbaycanın fəxridi".
CAVİD ƏLİYEV
Digər xəbərlər
