Divizion klubu heyətinə 15-16 yaşlı uşaqlar cəlb edib – AÇIQLAMA
Ötən həftə AFFA-nın inzibati binasında 1-ci divizionun 2022/23 mövsümünün püşkü atıldı.
Çempionatın iddialı komandalardan biri də "Zaqatala"dı. Bölgə təmsilçisinin yeni mövsümə nə dərəcədə hazır olduğunu baş məşqçi Rüstəm Məmmədovdan soruşduq. Onun “Football-plus.az” saytına açıqlaması belə oldu:"İyulun 15-dən təlim-məşq toplanışına start vermişik. Amma toplanış daha çox seleksiya xarakteri daşıyır. Bir çox əsas heyət oyunçularını itirdik. Onlar daha iddialı komandalara keçdi. Hazırda heyəti komplektləşdirməyə çalışırıq. 2002 və daha yuxarı təvəllüdlü futbolçular tapmaq çox çətindi. Legioner almağa da imkanımız yoxdu deyə, əsasən gənc futbolçularla irəliləmək istəyirik. Hazırda həm Zaqatala, həm də yaxın rayonlardan gənc futbolçular axtarırıq. Heyətimizə 2006-07 təvəllüdlü oyunçular da cəlb etmişik. Bu vaxta kimi "Qəbələ-2", "Kəpəz" və "Şamaxı" ilə yoxlama matçlarında qüvvəmizi sınamışıq. Ümumilikdə hər şey istədiyimiz kimi getmir. Sıxıntılarımız var. Əsasən də, dediyim kimi, yeni futbolçular cəlb etməklə bağlı".
ABDULLA İSMAYILOĞLU
Digər xəbərlər
