Region Liqasının favoriti "Neftçi"nin əvəzedicilərinə niyə böyük hesabla uduzub?
Region Liqasının favoritlərindən olan "Füzuli" yoxlama görüşü keçirib. Rəqib "Neftçi-2" olub.
Birinci diviziona iddialı bölgə təmsilçisi "ağ-qaralar"ın əvəzedicilərinə 2:7 hesabıyla yenilib. "Football-plus.az" saytı olaraq "Füzuli"nin baş məşqçisi Vasif İsmayılovdan yoxlama matçı ilə bağlı təəsüratını öyrəndik: "Pley-off matçlarına hazırlıq məqsədiylə yoxlama görüşü keçirmək qərarına gəldik. Böyük hesabla uduzsaq da, nəticə maraqlı deyil. Əsas məqsədimiz futbolçuların hazırlığını qorumaq və problemli mövqelərimizdən xəbərdar olmaq idi. Bütün oyunçulara şans verdim. Hətta komandamızın ən təcrübəli üzvü, 44 yaşlı Ruslan Poladovu əvəzləmədən oynatdım. Məğlub olsaq da, pis oynamadıq. Sadəcə, fiziki cəhətdən rəqibə uduzduq. Rəqib də, yetərincı güclüdü, heyətlərində əsas komandada çıxış edən oyunçular var. Belə güclü rəqiblərlə yoxlama oyunlarının keçirilməsi xeyrimizədi. Daha bir yoxlama görüşü keçirməyi düşünürük. Bir neçə kluba müraciət etmişik, xəbər gözləyirik".
ABDULLA İSMAYILOĞLU
Digər xəbərlər
