"Fasilədə planlaşdırdığımız kimi yoxlama matçı keçirdik. 7 futbolçumuz əsas komandaya qoşulduğundan U-19-dan oyunçular cəlb etdim. Yeni qoşulanlarla birgə meydanda yaxşı sintez yaratdıq. U-19-dan gələnlər özlərini meydanda maksimum yaxşı tərəfdən göstərməyə çalışdılar. Rəqibimiz də yetərincə güclüdü, 1-ci divizionda oynamağa iddialıdı, heyətlərində də premyer-liqa təcrübəsi olan futbolçular var. Böyükhesablı qələbə qazansaq da, nəticə haqda düşünmürəm. Məqsədimiz əsas komandaya futbolçu yetişdirməkdi. Buna rəğmən, gənc futbolçuların meydanda həddən artıq istəkli olması məni çox sevindirdi. Çalışacağıq bu oyunçuları ölkə futboluna qazandıraq. "Füzuli"yə də uğurlar arzu edirəm".

"Sabah bizi səfərdə Avstriya ilə ağır oyun gözləyir. Rəqibin heyətində tanınmış klublarda çıxış edən oyunçular var. Atletik futbola üstünlük verən kollektivdi. Buna rəğmən, özünəinamı itirməməli və mübarizə aparmaləyıq. İnanıram ki, millimiz yaxşı nəticə qazanmaq üçün döyüşəcək. Komandamıza uğurlar arzu edirəm".