“Bir neçə ay bu məsələni dilə gətirmədim. Özümə və komandaya kökləndim. Həm də belə şeyləri mövsümün ortasında danışmaq düzgün olmazdı. “Beşiktaş”dan ayrılmağımın klubla, fanatlarla və ya komanda yoldaşlarımla heç bir əlaqəsi yoxdu. Ayrılmağımın yeganə səbəbkarı Şenol Günəşdi! O, baş məşqçi vəzifəsinə gələndən sonra elə olaylar baş verdi ki, ayrılmaq barədə düşünməli oldum. Günəş kimi bir insana güvənə bilməzdim. Hər şey mundialın gedişində başladı. Bəzi şeylərə görə məni günahlandırdı. Mənim addımımı bəyənmirsənsə, problem deyil. Amma bir məşqçinin mətbuatın önündə özünü yaxşı göstərmək üçün futbolçunu tənqid etməsi, sonra da onunla üzbəüz qalanda tam əks şeylər söyləməsi düzgün deyil. Mən ölkəm üçün zədəli ola-ola yarımfinalda oynadım. Buna görə də mətbuat önündə məni tənqid etdi. Amma sonra mənimlə üzbəüz olanda DÇ-də yaxşı performans sərgilədiyimi və mənim yerimdə olsaydı, özünün də eyni addımı atacağını söylədi. Qış fasiləsində İngiltərəyə dönmək şansım yaranmışdı. Günəşə İngiltərəyə qayıtmaq istədiyimi, çünki orda bir hekayəmin olduğunu, işimin yarımçıq qaldığını söylədim. 33 yaşım var. Düşündüm ki, 6 ay ehtiyatda qalmaq mənim üçün problem olmayacaq. Bunu çox peşəkar şəkildə həyata keçirdim. “Beşiktaş” təklifi geri çevirdi. Çünki məni heyətdə saxlamaq istəyirdilər. Amma transfer dönəmi bağlanmaq üzrə olarkən, mövqeyimə yeni oyunçu aldılar. Günəş məni ehtiyata göndərdi. Amma bilirdim ki, əsas heyətdə oynamağa layiqəm və bunlar süni maneələrdi. Vaxt ötdükcə başa düşdüm ki, yalnız komanda yoldaşlarımdan biri zədələnəcəyi halda mənim də oynamaq şansım olacaq. Ona görə də daha bir mövsümü riskə atmaq istəmədim. Günəş bir dəfə “sən mənim ən yaxşı müdafiəçim, hətta ən yaxşı oyunçumsan” dedi. Mən də ona “elədisə, nə üçün məni ehtiyatda saxlayırsan” sualını verdim. Bir problem var idisə, bunu mənim üzümə söyləməliydi. Günəşin baş məşqçi postuna gəlməsi yalnız problemlərə səbəb oldu. Hətta o gələndən sonra idman direktoru (Ceyhun Kazancı – red.) 6 ay ərzində iki dəfə istefa vermək istədi”.