RFŞ Əfqan Talıbovu təəccübləndirib - AÇIQLAMA
"Sabah"ın Konfrans Liqasında debütü uğurlu alındı. "Bayquşlar" səfərdə RFŞ-ni 2:0 hesabı ilə məğlub etdi.
Bununla bağlı Əfqan Talıbovun fikrini öyrəndik. Təcrübəli mütəxəssis "Football-plus.az" saytına bunları söylədi:
"Sabah" ilk dəfədi avrokuboklarda çıxış edir. Buna rəğmən, maksimum ehtiyatlı oynamaqla qələbə qazandılar. Amma etiraf etmək lazımdı ki, RFŞ daha istəkli və şən futbol oynadı. Riqa təmsilçisi "Sabah"ı maksimum təzyiq altında saxladı. Hətta oyuna əlavə olunan dəqiqələrdə də latviyalılar qol vurmaq istəyindən imtina etmirdilər. Latviya klubu məni çox təəccübləndirdi. "Bayquşlar"dan İrasabal, Çakla və İmanovun üzərinə çox yük düşdü. Hətta qapıçımız son dəqiqələrdə iki yüzfaizlik qol vəziyyətində rəqibin sevinməsinə imkan vermədi. Rəqib arxaya bir ötürmə edirdisə, irəli ən azı 3 ötürmə göndərirdi. Bizdə Anatoli Nuriyevin zərbəsi tirdən, RFŞ-də isə dirəkdən qayıtdı. Rəqibin cərimə meydançasına uzun ötürmələri də təhlükəli idi. Qısası, Riqa təmsilçisi, heç olmasa, 1 qol vurmaq istəyirdi.
Təbii ki, 2:0 hesablı qələbə yaxşı nəticədi, amma yenə də bunu böyük üstünlük saymıram. RFŞ ilk oyunda göstərdi ki, təslim olmayacaq. Onlar Bakıda mərhələ adlamaq üçün döyüşəcəklər. Ona görə də latviyalılara rahat oynamağa imkan vermək olmaz. Onlar erkən qol axtarışında olacaqlar. Buna nail olsalar, üstünlüyü ələ alıb, oyunun taleyini həll edə bilərlər. Bu üzdən "Sabah" yenə ehtiyatlı oynamalıdı. Sürətli əks-hücumlarla rəqibi cəzalandırıb mərhələ adlaya bilərlər".
Təbii ki, 2:0 hesablı qələbə yaxşı nəticədi, amma yenə də bunu böyük üstünlük saymıram. RFŞ ilk oyunda göstərdi ki, təslim olmayacaq. Onlar Bakıda mərhələ adlamaq üçün döyüşəcəklər. Ona görə də latviyalılara rahat oynamağa imkan vermək olmaz. Onlar erkən qol axtarışında olacaqlar. Buna nail olsalar, üstünlüyü ələ alıb, oyunun taleyini həll edə bilərlər. Bu üzdən "Sabah" yenə ehtiyatlı oynamalıdı. Sürətli əks-hücumlarla rəqibi cəzalandırıb mərhələ adlaya bilərlər".
Talıbov "Sabah"ın qrup mərhələsi perspektivinə də toxundu:
"Sabah" avrokubokda debüt edir. Bu üzdən də oyundan-oyuna “artırır”. Masazır təmsilçisi optimal heyəti formalaşdırsa, "Partizan" səddini də keçəcəyini düşünürəm. Qrupa düşmək şansı 50-nin 50-yədi. Latviya klubuyla oyunda mərkəz müdafiəçilərinin üzərinə çox təzyiq düşdü. Ona görə bu qənaətdəyəm ki, "Sabah" 1 ucaboy, başla yaxşı oynaya bilən və güclü fiziki göstəricilərə malik mərkəz müdafiəçisi almalıdı".
ABDULLA İSMAYILOĞLU
Digər xəbərlər
