"Öncəliklə "Sabah"a uğurlar arzu edirəm. Düşünürəm ki, çətin olsa da, təmsilçimiz hər iki oyunda qələbə qazanıb mərhələ adlayacaq. RFŞ yaxşı komandadı. Həm müdafiədə yaxşı qapanır, həm də hücümda yaradıcıdı. Heyətdə taktiki-texniki cəhətdən güclü oyunçular yetərincədi. Rəqibin arxa xəttində ucaboy futbolçular var. İrəlidə çıxış edən “10” nömrəli braziliyalı Emerson çox sürətli və təhlükəlidi. Bir məsələ var ki, Riqa təmsilçisi hazırda çempionat və kubok oyunlarında çıxış edir. Yəni, müəyyən qədər oyun praktikaları var. Bu baxımdan "Sabah" üçün çətinlik ola bilər. Amma Masazır təmsilçisi iddialı komandadı, yuxarıda dediyim kimi, turu keçəcək. Qarşılaşmaya Latviyada yaşayan soydaşlarımızın gələcəyini düşünürəm. Heyif ki, yaşadığım yerlə Riqa arasında 3 saatlıq məsafə var. Həmçinin oyunun başlama saatında məşqim olacaq. Bu üzdən matça gedə bilməyəcəm".