Kuadrado yenə İtaliyada oynayacaq

“Yuventus”dan azad agent kimi ayrılan Xuan Kuadrado yeni mövsümə də İtaliyada başlayacaq.


"Football-plus.az" xəbər verir ki, kolumbiyalı yarımmüdafiəçi “İnter”lə anlaşıb. Milan klubunun yaydığı xəbərdə 35 yaşlı futbolçu ilə 1 illik müqavilə bağlandığı bildirilib. Kuadrado 2015-ci ildə “Çelsi”dən keçdiyi “Yuventus”da bütün turnirlərdə 314 oyunda meydana çıxıb, 26 qol vurub və 65 məhsuldar ötürmə edib. O, İtaliyada daha əvvəl “Udineze”, “Leççe” və “Forentina”da da çıxış edib.