“Neftçi”nin potensial rəqiblərinin bugünkü oyunu ilə bağlı vacib qərar
Bu gün Konfrans Liqasının 1-ci təsnifat mərhələsində Minsk “Dinamo”su Bosniya və Hersoqovina “Jelezniçar”ı ilə üz-üzə gələcək.
Cavab qarşılaşması “Azərsun Arena”da keçiriləcək. Matçla bağlı maraqlı qərar qəbul olunub.
“Football-plus.az” xəbər verir ki, oyunu arenadan izləmək mümkün olmayacaq. Daha konkret desək, azarkeşlər stadiona buraxılmayacaq. Yalnız jurnalistlər və klub nümayəndələrinin belə imkanı olacaq.
Qeyd edək ki, bu cütün qalibi 2-ci təsnifat mərhələsində "Neftçi" ilə qarşılaşacaq.
İLKİN SULTANLI
