Konfrans Liqasının 1-ci təsnifat mərhələsinin "Dinamo" (Minsk/Belarus) - "Jelezniçar" (Bosniya və Hersoqovina) matçının Bakıda keçiriləcəyi bəlli olub.

Bu barədə “Football-plus.az”a AFFA-nın Mətbuat və İctimaiyyətlə Əlaqələr Şöbəsinin müdiri Firuz Abdulla məlumat verib.

Onun sözlərinə görə, qarşılaşma "Qarabağ"ın ev oyunlarını keçirdiyi "Azərsun Arena"da baş tutacaq. Məsələ ilə bağlı sənədləşmə işlərinin axşama qədər yekunlaşması nəzərdə tutulur. Matç iyulun 20-də olacaq.

Məlumat üçün bildirək ki, UEFA-nn qərarı ilə Belarus klubları avrokubok matçlarını neytral meydanda keçirməlidi.

KƏNAN BAHADIR