“Football-plus.az”ın hakimin start fitindən təxminən 3 saat əvvəl verdiyi xəbər doğru çıxdı: “Yurqorden” – “Malmö” oyununda Musa Qurbanlı meydana çıxa bilmədi. Stokholm klubu işçi vizası ilə bağlı problemi həll etməkdə çətinlik çəkir. “Yurqorden” oyun vaxtının cəmi 34 faizində topa nəzarət etsə də, inamlı qələbə qazandı – 2:0. Qolları 10-cu dəqiqədə Oskar Fallenius, 81-ci dəqiqədə isə Haris Radetinats vurdu. Bununla da xalını 30-a çatdıran “Yurqorden” 3-cü pillədəki “Malmö”dən yalnız 4 xal geri qalır. Lider “Elfsborq”un 36, 2-ci yerdəki “Haken”in isə 35 xalı var. Yeri gəlmişkən, oyunun reportajına yer ayıran klub saytı yenilərdən Musa Qurbanlı ilə Feliks Vanın meydana çıxmamasının sənəd problemi ilə bağlı olduğunu xüsusi vurğulayıb.